વિક્રમ સંવત 2077નાં પ્રારંભમાં વૃષભ રાશિનું વર્ષ કેવું રહેશે આર્થિક લાભ થશે કે નહીં, નોકરી ધંધો અને અભ્યાસ કેવા રહેશે આવો જાણીએ. ગ્રહ શુક્ર, દિશા દક્ષિણ, રંગ સફેદ છે. 21 નવે. થી 6 એપ્રિલ સુધી ગુરૂ મકરમાં પછી કુંભમાં રાશિમાં આવશે. શરૂઆતી દિવસો કઠિનાઈવાળા રહે પણ 6 એપ્રિલ પછી આવકમાં વધારો થતો જોવા મળશે. શનિ મહારાજ કરેલી મહેનતનું ફળ આપશે. નોકરીયાત વર્ગને ઉપરી અધિકારીના દમનનો ભોગ બનવું પડે. હનુમાન ચાલીસાના પાઠથી ફાયદો થશે સફેદ વસ્તુનું દાન કરવું પણ હિતાવહ છે.
વૃષભ (બ.વ.ઉ.)
વિક્રમ સંવત 2077ના આરંભમાં પ્રથમ સ્થાનમાં રાહુ. પાંચમાં સ્થાનમાં શુક્ર, છઠ્ઠા સ્થાનમાં બુધ, ચંદ્ર, સૂર્ય, સાતમે કેતુ, આઠમે પ્લુટો, સ્વગ્રહી, ગુરૂ મહારાજ નવમાં સ્થાનમાં, શનિ દશમાં ભાવમાં નેપ્ચ્યુન અગિયારમાં તથા મંગળ બારમે તથા હર્ષલ રહેલો છે.
મન શાંત રાખીને કાર્યો કરવા
આ વર્ષ વૃશભ રાશિ માટે આર્થિક સુધારાની ઝલક આપતું જણાય. ભૌતિક સુખ મેળવશો. કાર્ય કરો છો એમાં પ્રગતિ પ્રાપ્ત થશે. માન-સન્માન મળશે. કામ આયોજનથી કરવાથી ઘણું સારુ ફળ મેળવી શકશો. મન શાંત રાખીને કાર્યો કરવા. કોઈ પનોતી નથી.
કેવું રહેશે આરોગ્ય?
આ વર્ષના આરંભમાં છઠ્ઠા સ્થાનમાં ચંદ્ર, બુધ, સૂર્ય તંદુરસ્તી એકંદરે સારી અપાવે. તારીખ 17/11/2020થી પેટના રોગ સંદર્ભે ધ્યાન આપવું. જીવનસાથીની તબિયત સંદર્ભે ધ્યાન આપવું. વર્ષના અંત સમયે આરોગ્ય સંદર્ભે ધ્યાન આપવું. યાત્રા-પ્રવાસમાં યોગ્ય પ્રિસ્ક્રિપ્શન સાથે રાખવું. નાના રોગમાં દવાખાનાથી દૂર રહેવું. શાંતિપૂર્વક કાર્ય કરવું હિતાવહ છે.
આર્થિકક્ષેત્રે લાભ થશે કે નહીં?
વર્ષારંભે બીજા સ્થાનમાં કોઈ ગ્રહ નથી. તેમજ શનિ ભાગ્ય સ્થાનમાં હોવાથી આર્થિકક્ષેત્રમાં પ્રગતિ થતી જણાય. તારીખ 20/11/2020 પછી મધ્યમ વર્ષ છ માસ સુધી અટકેલા નાણા મેળવી શકાય. અનુભવના ક્ષેત્રમાં નાણાનો સંચય કરવો. યાત્રા-પ્રવાસમાં વધારે ખર્ચથી બચતા રહેવું સારું. છાયા ગ્રહના પ્રભાવથી નવા કાર્ય કરવા સંદર્ભે વિચારવું ખોટા વિચારોમાં ઘેરાવું યોગ્ય નથી. કણ-કણનો હિસાબ રાખવો સારો.