વિક્રમ સંવત 2077નાં પ્રારંભમાં મેષ રાશિનું વર્ષ કેવું રહેશે આર્થિક લાભ થશે કે નહીં, નોકરી ધંધો અને અભ્યાસ કેવા રહેશે આવો જાણીએ. ગ્રહ મંગળ છે. દિશા પૂર્વ, રંગ લાલ છે. આ વર્ષે મુસાફરીમાં નુક્સાન અને ખર્ચ વધશે. વિદેશ સાથેના વ્યવહારોમાં સાચવવું. મિલકતના પ્રશ્નો હલ થતા જોવા મળશે. ધંધામાં ભાગીદારીથી લાભની પ્રાપ્તિ થશે. વિવાહ ઈચ્છુક લોકોને વિવાહ માટેના યોગ છે. સગાવ્હાલાથી અસંતોષ રહેશે. દામ્પત્યજીવનમાં કલેષ જોવા મળશે.
મેષ (અ.લ.ઈ.)
મેષ રાશિના જાતકો માટે સંવત 2077નું વર્ષ આર્થિક ક્ષેત્રે સારું રહેશે. પરિવારના પ્રશ્નોથી ખર્ચ થશે. આર્થિક ક્ષેત્રમાં ધીમે-ધીમે ફાયદો થશે. તંદુરસ્તીની બાબતમાં ધ્યાન રાથલું. ભૌતિક સુખ પાછળ આરોગ્યનું ધ્યાન રાખવું. કોઈ પનોતી નથી
કેવું રહેશે આરોગ્ય?
આ વર્ષના પ્રારંભમાં આરોગ્ય મધ્યમ અને સારૂં રહેશે. 24મી ડિસેમ્બરથી રાશિપતિ રાશિમાં આવતા મન પ્રસન્ન રહેશે. અટકતા કાર્યો પૂર્ણ થશે. કમરના દુખાવાની સમસ્યા રહેશે. અગ્નિ તથા ઈલેક્ટ્રિક વસ્તુઓથી ચેતતુ રહેવું. વર્ષના મધ્યમાં મનનો ભાર હળવો થતો જણાશે. વર્ષ 2021ની 14મી જાન્યુઆરી બાદ સંતાનના જીવનના પારિવારિક પ્રશ્નોમાં જતુ કરવાની ભાવના થશે.
આર્થિકક્ષેત્રે લાભ થશે કે નહીં?
વર્ષની શરૂઆતમાં બીજા સ્થાનમાં રાહુ અને શુક્ર છઠ્ઠા સ્થાનમાં હોવાથી ગુરુ સ્વગૃહી હોવાથી આર્થિક ક્ષેત્રમાં શરૂઆતમાં તકલીફ જણાય. ત્યારબાદ સારૂ લાગશે. આકસ્મિક ખર્ચ ઓછા થશે. સંતાન શિક્ષણ સંદર્ભે ખોટા ખર્ચથી ધ્યાન આપવું. ધનપ્રાપ્તિની દોટમાં આરોગ્યનું ધ્યાન રાખવું. મિલકત અને વતનની જમીનથી ફાયદો થશે.
વ્યવસાયમાં નવું વર્ષ કેવું?
વર્ષની શરૂઆતમાં શનિમહારાજ સ્વગૃહી છે. જેથી ફાયદો થશે. 20મી જાન્યુઆરીથી ગુરુ દસમા ભાવમાં જવાથી વિપરીત રાજયોગ થાય. કાર્યક્ષેત્રમાં સફળતા મળે. જીવનસાથીને સાથે રાખશો તો વધારે લાભ થશે. મધ્યમ વર્ષના સમયમાં નવા પ્રોજેક્ટ, રોકાણ તથા વ્યવસાયમાં સમયની ખેંચ અનુભવશો. બીન અનુભવી પ્રોજેક્ટ સંદર્ભે ધ્યાન આપવું.
વિદ્યાર્થીઓ માટે
વિદ્યા ભુવનમાં કોઈ ગ્રહ નથી તેમજ વિદ્યા સારી થશે. 14મી જાન્યુઆરીથી અભ્યાસમાં આળસ આવે. બહારનું ખાવાનું ટાળવું તેમજ મધ્યમ અવસ્થામાં વર્ષે સ્કોલરશિપ કે અન્ય કાર્ય દ્વારા લાભ થાય કેન્દ્ર ત્રિકોણનો ગુરુ-શનિ સહાયક બનશે.