મિશન / ચંદ્ર પર ઉતરતાની સાથે જ વિક્રમ અને પ્રજ્ઞાન કરશે આ કામ !

7 સપ્ટેમ્બરની મધ્યરાત્રિએ આશરે 1.38 કલાકે ચંદ્રયાન-2 ચંદ્ર ઉપર 35 કિલોમીટરની ઉંચાઇથી સપાટી પર જવાનું શરૂ કરશે. આશરે 10 મિનિટ બાદ 7.4 કિલોમીટરની ઉંચાઇથી તેના પર બ્રેક લગાવવામાં આવશે. 

ચંદ્રની પ્રથમ તસવીર મોકલશે

Ever wondered about Pragyan’s different parts and how it functions? Watch the full video to find out!https://t.co/EuL6Gf72Jd#ISRO #Chandrayaan2 #Moonmission

— ISRO (@isro) September 6, 2019

આ બ્રેક તે એન્જીનને વિપરીત દિશામાં સ્ટાર્ટ કરવામાં આવશે. ત્યારબાદ આશરે 2 મિનિટ બાદ 1.50 કલાકે વિક્રમ અને લેન્ડર ચંદ્રની સપાટી પર મેપિંગ શરૂ કરશે. ત્યારપછી 2 મિનિટ બાદ 1.52 કલાકે વિક્રમ લેન્ડર ચંદ્રની સપાટીની સૌથી નજીકની તસવીર પૃથ્વી પરના ઇસરો સેન્ટરને મોકલશે. 

આ તસવીરને મોકલ્યા બાદ એક મિનિટ પછી એટલે કે 1.53 કલાકની આસપાસ તે ચંદ્રની સપાટી પર ઉતરણ કરશે. ત્યારબાદ 2 કલાક બાદ 3.53 કલાકે વિક્રમ લેન્ડર, રોવરની બહાર આવવા માટે પોતાના દરવાજા ખોલીને રૈંપ બહાર કાઢશે. અડધી કલાક બાદ 4 વાગ્યેને 23 મિનિટ પર પ્રજ્ઞાન ઓન થશે. 

સવારે 5.03 કલાકે પ્રજ્ઞાન રોવરની સોલર પેનલ એક્ટીવ થશે. ત્યારબાદ 16 મિનિટ બાદ 5.19 વાગે પ્રજ્ઞાન રોવર વિક્રમ લેન્ડરની બહાર નિકળશે. ત્યારબાદ ચંદ્રની સપાટી પર ઉતરવામાં માત્ર દશ મિનિટ લાગશે. એટલે કે, 5.29 મિનિટ પર પ્રજ્ઞાન રોવર ચંદ્રની સપાટી ઉતરશે. ત્યારબાદ 5.45 કલાકે પ્રજ્ઞાન રોવર પોતાના યાન એટલે કે વિક્રમ લેન્ડરની સેલ્ફી લઇને પૃથ્વીને મોકલશે. 

ISRO ના વડાનું નિવેદન 

ચંદ્રયાન-2 નું વિક્રમ લેન્ડર જો સોફ્ટ લેન્ડિગમાં સફળ રહે છે તો રશિયા, અમેરિકા અને ચીન બાદ ભારત આ સફળતા પ્રાપ્ત કરનારું રાષ્ટ્ર બનશે.આ સાથે જ ભારત ચંદ્રના દક્ષિણ ધ્રુવ પર પહોંચનાર વિશ્વનો પ્રથમ દેશન બની જશે. 

Chandrayaan 2 નું મૂન લેન્ડિંગ જોઇ શકાશે Live

વાસ્તવમાં તાજેતરમાં જ આવેલા રિપોર્ટ પ્રમાણે ડિઝની ઇન્ડિયા, નેશનલ જિયોગ્રાફિક, હૉટસ્ટાર, સ્ટાર પ્લસ અને સ્ટાર ભારત ચેનલ આજે રાતે 6 સપ્ટેમ્બર 11.30 વાગ્યે વધારેમાં વધારે 100 દેશોમાં આ મિશનને ટેલીકાસ્ટ કરાશે. 7 સપ્ટેમ્બરે 1:30 am  2:30 am ની વચ્ચે ચંદ્રયાન 2 ચંદ્ર પર લેન્ડ કરશે. આ ઇવેન્ટને જોવા પ્રધાનમંત્રી નરેન્દ્ર મોદી પોતે ઇસરોમાં હાજર રહેશે. તો બીજી બાજુ ગત મહિને એક ઓનલાઇન સ્પેસ ક્વિઝ ક્લિયર કરનાર દેશભરની 60 થી વધારે શાળાના વિદ્યાર્થી પ્રધાનમંત્રીની સાથે આ ઐતિહાસિક ક્ષણને જોઇ શકશો. 

ચંદ્રયાન-2ની શુ છે ખાસિયત

ચલો તમને જણાવીએ કે ચંદ્રયાન 2ની કેટલીક ખાસિયત. Chandrayaan 2 અંતરિક્ષ યાન ચંદ્રની સપાટી પર સોફ્ટ લેન્ડિંગ કરનાર પહેલું ભારતીય અભિયાન હશે. આ મિશન ભારતને અમેરિકા, રશિયા અને ચીન બાદ ચંદ્રમા પર સોફ્ટ લેન્ડિંગ કરાવનાર ચોથો દેશ બનશે. ચંદ્રયાન 2 નું વજન 3877 કિલો છે. 22 જુલાઇએ આ દેશની સૌથી તાકતવર GSLV માર્ક 3 રોકેટથી લૉન્ચ કરવામાં આવ્યું હતું. ચંદ્રના દક્ષિણ ધૃવ પર આ લેન્ડરને ઉતારવામાં આવશે. લેન્ડરના ઊતરતા જ દક્ષિણ ધૃવ પર યાન ઉતારનાર ભારત પહેલો દેશ બની જશે.