વિક્રમ ગોખલેને તેમના દમદાર અવાજ અને શાનદાર અદાકારી માટે ઓળખવામાં આવતા હતા. જ્યારે-જ્યારે વિક્રમ પડદા પર આવતા હતા ત્યારે તેમનો દમદાર અંદાજ લોકોને તેમની વાતો સાંભળવા મજબૂર કરી દેતા હતા. ઉલ્લેખનીય છે કે, દિગ્ગજ અભિનેતાને અદાકારીનુ હુનર વિરાસતમાં મળ્યું છે. બોલીવુડ સિવાય મરાઠી થિયેટર ટીવીના લોકપ્રિય અભિનેતા હતા. વિક્રમ ગોખલેનો જન્મ 14 નવેમ્બર 1945ના રોજ થયો હતો. અભિનેતાના પિતાનુ નામ ચંદ્રકાંત ગોખલે હતુ. તેઓ પણ ફિલ્મ આર્ટીસ્ટ હતા.
વિક્રમ ગોખલેને આ ફિલ્મથી સારી લોકપ્રિયતા મળી હતી
એટલુ જ નહીં, વિક્રમ ગોખલેની મોટી દાદી દુગાબાઈ કામત પણ ઈન્ડિયન સ્ક્રીનની પહેલી ફીમેલ અભિનેતા રહી ચૂકી હતી. આ ઉપરાંત અભિનેતાની દાદી કમલાબાઈ ગોખલે ભારતીય સિનેમાની પહેલી ફીમેલ ચાઈલ્ડ આર્ટિસ્ટ રહી હતી. 2001માં આવેલી ફિલ્મ 'તુમ બિન'થી વિક્રમ ગોખલેની કારકિર્દીનો ટર્નિગ પોઈન્ટ સાબિત થયો હતો. આ ફિલ્મથી તેમને સારી લોકપ્રિયતા મળી હતી. આ ઉપરાંત અભિનેતાને સલમાન ખાન અને ઐશ્વર્યા રાયની સુપરહિટ ફિલ્મ હમ દિલ ચૂકે સનમ માટે પણ ઓળખવામાં આવે છે.
વિક્રમ ગોખલેએ આમ તો 100થી વધુ ફિલ્મોમાં કામ કર્યુ છે. ભૂલ ભુલૈયા પાર્ટ વન, હિચકી, નિકમ્મા, અગ્નિપથ અને મિશન મંગલ, દિલ સે સહિત ઘણી ફિલ્મોમાં વિક્રમ ગોખલે પોતાની અદાકારીનો દમ બતાવી ચૂક્યા છે.