એન્કાઉન્ટર / આખરે વિકાસ દુબેને હથકડી કેમ લગાવી ન હતી? તમારા સવાલનો આ છે જવાબ

• વિકાસ દુબેના એન્કાઉન્ટર બાદ મામલો ગરમાયો 
• હથકડી ન લગાવવાનો મુદ્દે ઉભા થયાં સવાલ

વિકાસ દુબેને ઉજ્જૈનથી કાનપુર સુધી લાવતી વખતે હથકડી ન લગાવવાનો મામલો ગરમ થયો છે. ત્યારે સુપ્રીમ કોર્ટના એ આદેશ પર સવાલ ઊભાં થવા લાગ્યા છે જેમાં કેદીઓને હથકડી લગાવવા પર કોર્ટે ટિપ્પણી કરી છે.

વિકાસ દુબેના કથિત ઍન્કાઉન્ટર મુદ્દે ઉછળ્યો

વિકાસ દુબેના કથિત ઍન્કાઉન્ટર બાદ એ મુદ્દો જોર-શોરથી ઉઠવા લાગ્યો છે કે આખરે આ આરોપીના હાથમાં હથકડી કેમ લગાવી ન હતી. હકીકતમાં સુપ્રીમ કોર્ટે પોતાના કેટલાંય આદેશોમાં ગુનેગારોના હાથમાં હથકડી લગાવા પર પોતાની નારાજગી વ્યક્ત કરી છે અને તેના પર અમાનવીય, અતાર્કિક, અત્યંત કઠોર અને મનમાની જેવી ટિપ્પણી કહી છે. 

બીજી તરફ પોલીસ વિભિન્ન ન્યાયિક મંચ પર હથકડી લગાવવા બાબતે એ બચાવ કરતી રહેતી હોય છે કે તેનાથી ગુનેગાર ધરપકડમાંથી ભાગી નહીં શકે તેની ગેરંટી હોય છે. 

જરૂર નથી હથકડી લગાવવી જ પડે : સુપ્રીમ કોર્ટ

સર્વોચ્ચ અદાલતે એ આરોપીઓને હથકડી લગાવવાની પ્રક્રિયાને લઈને સમયાંતરે દિશા-નિર્દેશ જાહેર કર્યા છે જેના પર આરોપ સાબિત ન થયો હોય અને કેસ પૂર્ણ ન થયો હોય. સુપ્રીમે કહ્યું કે ન ભાગવાની ગેરંટીનો મતલબ નથી કે હથકડી અનિવાર્યરૂપથી લગાવવી જ પડે. 

હથકડી લગાવવાનો મુદ્દો ફરી ગરમ

પોલીસ મુજબ દુબેનું ઍન્કાઉન્ટર પોલીસે પોતાની આત્મરક્ષામાં કર્યુ છે. વિકાસને ઉજ્જૈનથી કાનપુર લાવતી વખતે અકસ્માતમાં ભોગ બનેલી કારથી નીકળીને પોલીસવાળા પર ગોળી ચલાવી ભાગવાની કોશિશ કરી. દુબેએ ગાડીમાં પોતાની સાથે બેસેલા એક પોલીસવાળાની પિસ્તોલ છીનવી લીધી હતી. કાર પલટ્યા બાદ 6 પોલીસવાળા ઘાયલ પણ થયા છે. આ ઘટના બાદ અપરાધીઓને એક જગ્યાએથી બીજી જગ્યાએ લઈ જતી વખતે હથકડી લગાવવાનો મુદ્દો ફરી એક વખત ચર્ચાનું કેન્દ્ર બન્યો છે.