કાનપુરમાં વિકાસ દુબેના એન્કાઉન્ટર મામલો વધારે ગુંચવણ વાળો બની રહ્યો છે. વિકાસના મોંતથી કોઈને સિમ્પથી નથી પણ સવાલો અનેક ઉભા થઈ રહ્યા છે. વિપક્ષ પણ અનેક સવાલો ઉભા કરી રહ્યું છે. વિકાસને લઈ જઈ રહેલી પોલીસની વેનના કાફલા સાથે ચાલતી મીડિયાની કારને એન્કાઉન્ટરના સ્થળથી થોડે દુર રોકી દેવામાં આવી હતી. જેને પગલે પણ પોલીસની કામગીરી પર સવાલો ઉભા થઈ રહ્યા છે.
એન્કાઉન્ટર સ્થળ પહેલા પોલીસે અટકાવી હતી મીડિયાની કાર
પોલીસ કાફલાની સાથે ચાલતા વાહનોને રોકી દેવાયા હતા
મીડિયાકર્મીઓને અટકાવ્યા બાદ થયુ ફાયરિંગ
એન્કાઉન્ટર સ્થળ પહેલા પોલીસ દ્વારા મીડિયાની કાર અટકાવી દેવામાં આવી હતી. એન્કાઉન્ટર પહેલા મીડિયાના વાહનોને રોકાયા હોવાથી અનેક સવાલો ઉભા થઈ રહ્યા છે. મીડિયાકર્મીઓને અટકાવ્યા બાદ ફાયરિંગ થયું હતું.
એટલું જ નહીં કાર પલટી હોવાની જાણ પણ મીડિયાને ફોન પર કરાઇ હતી. આ સમગ્ર ઘટનામાં શુક્રવારે સવારે 6 .32 મિનિટે પોલીસ કાફલાએ કાનપુરમાં એન્ટ્રી કરી હતી. મીડિયા કાર પોલીસના કાફલાનો પીછો કરી હતી. અચાનક કાનપુર પોલીસે રસ્તા પર જામ કરી દીધો અને તમામ ગાડીઓનું ચેકિંગ શરુ કર્યુ હતુ. અને 7.12 મિનિટે એન્કાઉન્ટર થઈ ગયુ હતુ. જો કે તેનો ખુલાસો ઘણી વાર પછી થયો હતો.