ગેંગસ્ટર વિકાસ દુબે મામલે સૌથી મોટા સમાચાર આવી રહ્યા છે. વિકાસ દુબે એન્કાઉન્ટરમાં ઠાર મરાયો છે. ઉજ્જૈનથી વિકાસ દુબેને લઈને કાનપુર જઈ રહેલા પોલીસના કાફલાની એક કારને અકસ્માત થયો હતો. જે કારને અકસ્માત થયો હતો જ કારમાં વિકાસ દુબે સવાર હતો.
STFના એન્કાઉન્ટરમાં વિકાસ દુબે ઠાર મરાયો
વિકાસને ઉજ્જૈનથી કાનપુર લવાઈ રહ્યો હતો
અકસ્માત બાદ વિકાસ દુબે પોલીસની પિસ્તોલ લઈને ફરાર થવાના પ્રયાસમાં હતો. આ દરમિયાન પોલીસ અને વિકાસ દુબે વચ્ચે ફાયરિંગ પણ થયું. આ દરમિયાન એન્કાઉન્ટરમાં વિકાસ દુબેને કમરમાં ગોળી વાગી હતી અને તેને હોસ્પિટલ લઇ જવામાં આવ્યો હતો. જ્યાં ડોકટરોએ વિકાસ દૂબેને મૃત જાહેર કર્યો.
આ અગાઉ ઉજ્જૈનથી વિકાસ દુબેને લઈને કાનપુર જઈ રહેલા પોલીસના કાફલાની એક કારને અકસ્માત થયો હતો તેવા અહેવાલ પ્રાપ્ત થયા. જેમાં એવી પણ આશંકા વ્યક્ત કરાઈ હતી કે આ કારમાં વિકાસ દુબે પણ સવાર હતો. જે કારને અકસ્માત થયો હતો. કાર રોડની સાઈડમાં પલટી ગઈ હતી. પોલીસનું માનીએ તો કેટલાક પોલીસ જવાનો પણ ઘાયલ થયા છે.