કોરોના વાયરસ / આ લેડી સિંઘમે વિકાસ દુબેને પકડવા જે દિમાગ લગાવ્યું તે જાણીને કહેશો કે પકડ્યો કે સરેન્ડર થયો

• ગેંગસ્ટર વિકાસ દુબેની ઉજ્જૈનથી ધરપકડ
• સુરક્ષા અધિકારી રૂબી યાદવે વિકાસ દુબેની ધરપકડને લઈને મોટો ખુલાસો
• બનાવટી આઈડી કાર્ડ દ્વારા બિન્દાસ્ત ફરી રહ્યો હતો

તેનો દેખાવ જોઈને ઓળખવો મુશ્કેલ હતો

રૂબી યાદવે આગળ જણાવ્યું કે મેં મારા સિક્યોરિટી ગાર્ડને વિકાસ દુબેને ફોટો મોકલવા જણાવ્યું અને જે ફોટો મારી પાસે આવ્યો તે આખો લૂક તેનો અલગ હતો. તેણે નાના વાળ કરાવી રાખ્યા હતાં. મેં મારી ટીમને તેના પર નજર રાખવા જણાવ્યું હતું. જેટલા સમયમાં તેણે દર્શન કર્યા તેટલા સમયમાં મેં ગૂગલ કરીને તેની તસીવરો જોઈ લીધી. ગૂગલ સર્ચમાં વૉન્ટેડ ફોટોમાં તેના માથા પર ઈજાનું નિશાન હતું. મારા ગાર્ડે મોકલેલો જે ફોટો હતો તેને ઝૂમ કરીને જોયું તો તેના માથા પર ઈજાનું નિશાન હતું. ત્યાર બાદ તે કન્ફર્મ થઈ ગયું કે તે વિકાસ દુબે જ છે પરંતુ મે મારી વાત ટીમ સાથે શૅર ન કરી જેથી કોઈ પૅનિક ન થાય.

બનાવટી આઈડી કાર્ડ દ્વારા બિન્દાસ્ત ફરી રહ્યો હતો

રૂબી યાદવે કહ્યું કે કન્ફર્મ થયા બાદ મે SP સાહેબને જાણ કરી. બાદમાં અમારા સુરક્ષા ગાર્ડને કહ્યું તે તેને લાડુના કાઉન્ટર પર બેસાડે અને તેને શંકા ન થવા દે કે અમે તેના પર નજર રાખી રહ્યાં છીએ. મે સુરક્ષા ગાર્ડને કહ્યું કે તેને આઈડી કાર્ડ વિશે પૂછે અને અન્ય વાતોમાં વ્યસ્ત રાખે. જ્યારે તેનું નામ પૂછવામાં આવ્યું તો તેણે શુભમ નામ બતાવ્યું હતું અને ખિસ્સામાંથી આઈડી કાર્ડ કાઢીને બતાવ્યું હતું. આ આઈકાર્ડ પર તેનું નામ નવીન પાલ હતું. તે નકલી આઈ કાર્ડ પર ફરી રહ્યો હતો.

#WATCH Madhya Pradesh: After arrest in Ujjain, Vikas Dubey confesses, "Main Vikas Dubey hoon, Kanpur wala." #KanpurEncounter pic.twitter.com/bIPaqy2r9d

— ANI (@ANI) July 9, 2020

મંદિરમાં કબૂલાત કરી કે હું વિકાસ દૂબે છું

લેડી સિંઘમે આગળ જણાવ્યું કે તેણે મંદિરમાં જ કબૂલ કરી લીધું હતું કે તે વિકાસ દુબે છે. આ દરમ્યાન અમારા એક ગાર્ડ સાથે તેની બબાલ પણ થઈ હતી. તેણે એ ગાર્ડની નેમ પ્લેટ ઉખાડી દીધી અને તેની ઘડિયાળ પણ તોડી નાંખી હતી જાણે તેને કોઈ ડર ન હતો. જો કે થોડી વારમાં એસપી અને એરિયાની પોલીસ સ્થળ પર આવી ગઈ અને તેની ધરપકડ કરવામાં આવી હતી.