ફિલ્મ 'શોલે' માં કાલિયાનો રોલ કરનારા એક્ટર વિજૂ ખોટેનું 30 સપ્ટેમ્બર મુંબઇમાં તેમના નિવાસ સ્થાને નિધન થઇ ગયું, આ નિધન પછી બોલિવુડ, મરાઠી સિનેમા અને દેશભરના ફેન્સ ગમગીન બની ગયા છે.
ગઇકાલે 5 ઓક્ટોબરના રોજ વિજૂના પરિવારજનોએ પ્રાર્થના સભાનું આયોજન કર્યુ હતુ., જેમાં બોલિવુડ અને મરાઠી સિનેમાના ઘણા સ્ટાર્સ વિજૂને શ્રદ્ઘાંજલિ આપવા માટે પહોંચ્યા હતા.
વિજૂની લાઇફ સાથે જોડાયેલા કેટલાક ઇન્ટ્રેસ્ટિંગ ફેક્ટ્સ:
વિજુએ 1964માં ‘યા મલક’ ફિલ્મથી બોલિવૂડ ડેબ્યુ કર્યું હતું. વિજુએ ‘શોલે’માં કાલિયાનો રોલ કર્યો હતો જેનાથી તેમને ઓળખ મળી હતી. ઉપરાંત ‘અંદાજ અપના અપના’માં રોબર્ટનું કેરેક્ટર તેમણે પ્લે કરેલું જે ઘણું ચર્ચામાં રહ્યું હતું. તેઓ ‘અતિથિ તુમ કબ જાઓગે’ અને ‘ગોલમાલ 3’ જેવી ફિલ્મોમાં દેખાયા હતા. છેલ્લે તેઓ 2018માં આવેલ ફિલ્મ ‘જાને ક્યું દે યારોં’માં જોવા મળ્યા હતા. પોતાના 6 દાયકાના કરિયરમાં 300થી વધારે હિંદી, મરાઠી ફિલ્મો, 30 જેવી ટીવી સિરિયલની સાથે ઘણા નાટકો પણ તેમણે કર્યા હતા.
બ્લોકબસ્ટર ફિલ્મ 'શોલે' માં 'કાલિયા' નો રોલ પ્લે કરીને ફેમસ થનારા વિજૂ ખોટેને આ રોલ માટે 2500 રૂપિયા મળ્યા હતા. ફિલ્મમાં તેમણે ડાકૂ ગબ્બર સિંહ (અમઝદ ખાન) ના ખાસ સહયોગીના રોલમાં જોવા મળ્યા હતા. 'શોલે' માં 'કાલિયા' ના રોલમાં તેમને ડાયલૉગ 'सरदार मैंने आपका नमक खाया है' ઘણું પૉપ્યુલર થયુ હતુ. આ સિવાય કૉમેડી ફિલ્મ 'અંદાજ અપના અપના' માં રોબર્ડના કેરેક્ટરમાં તેમની ડાયલૉગ 'गलती से मिस्टेक हो गया' ને લોકોએ ઘણો પસંદ કર્યો છે.