દિગ્ગજ એક્ટર વિજૂ ખોટેનું આજે સવારે નિધન થયું. લાંબા સમયથી બિમાર રહેતા 77 વર્ષના એક્ટરના ઘણા અંગોએ કામ કરવાનું બંધ કરી દીધુ હતુ. આ જાણકારી તેમના પરિવારથી જોડાયેલા લોકો દ્વારા આપવામાં આવી છે.
એક્ટર વિજુ ખોટેનું સોમવારે 77 વર્ષની વયે નિધન થયું
લાંબા સમયથી બિમાર હતા અને અંતિમ શ્વાસ ઘરે લીધા
300થી વધુ હિંદી, રાઠી ફિલ્મો, ટીવી સિરિયલની સાથે ઘણા નાટકોમાં કામ કર્યુ
એક્ટરના નિધનના સમાચારથી બોલિવુડ ઇન્ડસ્ટ્રીના શોકમગ્ન થઇ ગઇ છે. વિજૂ ફિલ્મ 'શોલે' માં પ્લે કરેલા આઇકૉનિક કેરેક્ટર કાલિયા અને તેના ડાયલૉગ 'કિતને આદમી થે' અને 'દો સરકાર' ને કારણે ફેમસ થયા હતા.
વિજૂ ખોટેના ભાણી અને એક્ટ્રેસ ભાવના બલસાવરે કહ્યુ કે, ''તેમણે પોતાના ઘરે સવારે લગભગ 6.55 મિનિટ પર અંતિમ શ્વાસ લીધા. તેઓ છેલ્લા કેટલાક સમયથી બિમાર હતા અને તેમના ઘણા અંગોએ કામ કરવાનું બંધ કરી દીધુ હતુ.'' ભાવનાએ આગળ કહ્યુ કે, ''તેઓ હોસ્પિટલમાં અંતિમ શ્વાસ લેવા ન હતા ઇચ્છતા, આજ માટે તેમણે થોડા દિવસ પહેલા ઘરે લાવ્યામાં આવ્યા હતા. આ અમારા પરિવાર માટે મોટી ખોટ છે. ''
વિજૂની લાઇફ સાથે જોડાયેલા કેટલાક ઇન્ટ્રેસ્ટિંગ ફેક્ટ્સ:
વિજુએ 1964માં ‘યા મલક’ ફિલ્મથી બોલિવૂડ ડેબ્યુ કર્યું હતું. વિજુએ ‘શોલે’માં કાલિયાનો રોલ કર્યો હતો જેનાથી તેમને ઓળખ મળી હતી. ઉપરાંત ‘અંદાજ અપના અપના’માં રોબર્ટનું કેરેક્ટર તેમણે પ્લે કરેલું જે ઘણું ચર્ચામાં રહ્યું હતું. તેઓ ‘અતિથિ તુમ કબ જાઓગે’ અને ‘ગોલમાલ 3’ જેવી ફિલ્મોમાં દેખાયા હતા. છેલ્લે તેઓ 2018માં આવેલ ફિલ્મ ‘જાને ક્યું દે યારોં’માં જોવા મળ્યા હતા. પોતાના 6 દાયકાના કરિયરમાં 300થી વધારે હિંદી, મરાઠી ફિલ્મો, 30 જેવી ટીવી સિરિયલની સાથે ઘણા નાટકો પણ તેમણે કર્યા હતા.
બ્લોકબસ્ટર ફિલ્મ 'શોલે' માં 'કાલિયા' નો રોલ પ્લે કરીને ફેમસ થનારા વિજૂ ખોટેને આ રોલ માટે 2500 રૂપિયા મળ્યા હતા. ફિલ્મમાં તેમણે ડાકૂ ગબ્બર સિંહ (અમઝદ ખાન) ના ખાસ સહયોગીના રોલમાં જોવા મળ્યા હતા. 'શોલે' માં 'કાલિયા' ના રોલમાં તેમને ડાયલૉગ 'सरदार मैंने आपका नमक खाया है' ઘણું પૉપ્યુલર થયુ હતુ. આ સિવાય કૉમેડી ફિલ્મ 'અંદાજ અપના અપના' માં રોબર્ડના કેરેક્ટરમાં તેમની ડાયલૉગ 'गलती से मिस्टेक हो गया' ને લોકોએ ઘણો પસંદ કર્યો છે.