દિલ્હીના બહુચર્ચિત એક્સાઈઝ કૌભાંડ કેસમાં સીબીઆઈએ પહેલી મોટી કાર્યવાહી કરતા બિઝનેસમેન વિજય નાયરની ધરપકડ કરી લીધી છે. વિજય નાયર ઇન્ટરનેટ અને ઇવેન્ટ મીડિયા કંપનીના ભૂતપૂર્વ સીઇઓ છે. સીબીઆઈએ તેમને આજે દિલ્હી મુખ્યાલય ખાતે પૂછપરછ માટે બોલાવ્યાં હતા અને પૂછપરછ બાદ તેમની ધરપકડ કરવામાં આવી હતી.
વિજય નાયર એક્સાઇઝ પોલિસી કૌભાંડનો મુખ્ય કાવતરાખોર
વિજય નાયર એક્સાઇઝ પોલિસી કૌભાંડમાં મુખ્ય કાવતરાખોર હોવાનું કહેવાય છે. વિજય નાયર સીબીઆઈ એફઆઈઆરમાં પાંચમા નંબરના આરોપી છે અને મેસર્સ એન્ટરટેઈનમેન્ટ, ઈવેન્ટ કંપની ઓન્લી મચ લાઉડરના પૂર્વ સીઈઓ હતા.
દિલ્હીના ઉપમુખ્યમંત્રી મનીષ સિસોદિયાના ઘરે સીબીઆઈના પડ્યાં હતા દરોડા
એક્સાઈઝ કૌભાંડમાં સીબીઆઈએ દિલ્હીના ઉપમુખ્યમંત્રી મનીષ સિસોદિયાના ઘરે દરોડા પાડ્યા હતા. હવે આ કેસમાં સીબીઆઇએ એન્ટરટેઇનમેન્ટ, ઇવેન્ટ કંપની ઓન્લી મચ લાઉડરના પૂર્વ સીઇઓ વિજય નાયરની ધરપકડ કરી છે. વિજય નાયર 2014થી આપ સાથે સંકળાયેલા હતા. તેઓ પાર્ટી માટે ફંડ રેઇઝિંગનું કામ કરતા હતા. વિજય નાયર આપ પાર્ટીની મીડિયા અને કોમ્યુનિકેશન સ્ટ્રેટેજી સંભળાવતા હતા. વિજય નાયર આપના સૌથી મોટા નેતાઓમાંના એક હતા અને મનીષ સિસોદિયાના ખૂબ જ નજીક હતા. આરોપ છે કે વિજય નાયરની સરકારી અધિકારીઓને લાંચ અને ભ્રષ્ટાચારના આરોપમાં ધરપકડ કરવામાં આવી છે.
Delhi Excise Policy case | Vijay Nair was called to CBI Headquarters and was arrested after questioning. He was arrested for conspiracy, 'cartelisation' and 'chosen licensing': Sources
ભાજપે આમ આદમી પાર્ટીને નિશાન પર લીધી
વિજય નાયરની ધરપકડ પર ભાજપે દિલ્હીની આમ આદમી પાર્ટીને નિશાન પર લીધી છે. ભાજપે લખ્યું કે હવે મનિષ સિસોદીયાનો વારો છે. તેમણે લખ્યું કે ખૂબ જ જલ્દી તમારી અને અરવિંદ કેજરીવાલની ઇચ્છા પૂરી થશે. આ સાથે જ ભાજપના નેતા કપિલ મિશ્રાએ લખ્યું છે કે વિજય નાયરની ધરપકડથી દારૂ કૌભાંડની દરેક સચ્ચાઈ સામે આવશે. મિશ્રાએ દાવો કર્યો હતો કે વિજય નાયરના તાર સીએમ કેજરીવાલ સાથે જોડાયેલા છે. મિશ્રાનો દાવો છે કે, દારૂના કૌભાંડથી માંડીને પંજાબમાં ગેરકાયદે લેવડ-દેવડ સુધી બધું જ વિજય નાયરે સંભાળ્યું હતું.