દાવો / લૉકડાઉન વચ્ચે ભાગેડુ વિજય માલ્યાની ફરી ઓફરઃ ‘હું બધા જ રૂપિયા આપવા તૈયાર’

• લૉકડાઉનની વચ્ચે માલ્યાએ કર્યું ટ્વીટ
• લૉકડાઉનમાં મેન્યુફેક્ટરિંગ થયું બંધ
• તમામ દેવું ચૂકવવાનો કર્યો દાવો

ભારતમાં ફરાર જાહેર કરાયેલા વિજય માલ્યાએ ફરી એકવાર પોતાના બધા દેવાં પરત આપવાની વાત કરી છે. વિજય માલ્યાએ ટ્વિટર પર આવી અપીલ કરી હતી પરંતુ કહ્યું હતું કે બેંક અને એન્ફોર્સમેન્ટ ડિરેક્ટોરેટ આમાં તેમને મદદ કરી રહ્યો નથી. દરમિયાન, વિજય માલ્યા ભારતમાં કોરોના વાયરસ સંકટને કારણે લૉકડાઉન અંગે પણ ફરિયાદ કરી રહ્યા છે.

I have made repeated offers to pay 100 % of the amount borrowed by KFA to the Banks. Neither are Banks willing to take money and neither is the ED willing to release their attachments which they did at the behest of the Banks. I wish the FM would listen in this time of crisis.

— Vijay Mallya (@TheVijayMallya) March 31, 2020

સરકારની મદદ જરૂરીઃ વિજય માલ્યા

ઉદ્યોગપતિ વિજય માલ્યાએ લખ્યું, 'ભારત સરકારે આખા દેશને તાળાબંધી કરી દીધી છે.  કોઈએ વિચાર્યું પણ નહોતું. અમે આનું સન્માન કરીએ છીએ, પરંતુ આને કારણે મારી બધી કંપનીઓનું કામ અટકી ગયું છે. તમામ પ્રકારના મેન્યુફેક્ચરિંગ પણ બંધ છે. આમ છતાં અમે અમારા કર્મચારીઓને ઘરે મોકલી રહ્યા નથી અને કિંમત ચૂકવી રહ્યા છીએ. સરકારે અમને મદદ કરવી પડશે '.

Indian Government has done what was unthinkable in locking down the entire Country. We respect that. All my Companies have effectively ceased operations. All manufacturing is closed as well. Yet we are not sending employees home and paying the idle cost. Government has to help.

— Vijay Mallya (@TheVijayMallya) March 31, 2020

અગાઉ પણ અનેક વાર માલ્યાએ કરી છે આવી જાહેરાત

આ સિવાય વિજય માલ્યાએ લખ્યું છે કે તેમણે ઘણી વખત આવી ઓફર કરી છે કે તે બેંકના તમામ પૈસા પાછા આપવા તૈયાર છે. પરંતુ બેંકો નાણાં લેવા તૈયાર નથી અને એન્ફોર્સમેન્ટ ડિરેક્ટોરેટ પણ મદદ માટે તૈયાર નથી. હું આશા રાખું છું કે સંકટની આ ઘડીમાં નાણાં પ્રધાન તેમની વાત સાંભળશે. જો કે તેઓ પોતે ભારત આવવા તૈયાર નથી એને છેલ્લા 4 વર્ષથી તે લંડનમાં જ છે. 

વિજય માલ્યા 9000 કરોડનું દેવું ચૂકવવામાં વિફળ રહ્યા છે. 2 માર્ચ 2016માં તે ભારત છોડીને ભાગ્યા હતા. માલ્યા પર લંડનની કોર્ટમાં કેસ ચાલી રહ્યો છે અને ત્યાં તેઓ હાલમાં જામીન પર છે.