ભારતીય બેંકોની હજારો કરોડ રૂપિયાની લોન લઇેન ફરાર કારોબારી વિજય માલ્યાએ કહ્યું કે બ્રિટેનમાં એમની કોઇ પ્રોપર્ટી નથી અને જે પણ પ્રોપર્ટી છે એ એમની મા અને બાળકોના નામે છે. માલ્યાએ કહ્યું કે એમની મા અને બાળકોની પ્રોપર્ટીને કોઇ અડી પણ શકે નહીં.
માલ્યાએ કહ્યું કે બ્રિટેનમાં એમના નામે માત્ર કેટલીક કાર અને જ્વેલરી છે એ એને ગમે ત્યારે સોંપવા તૈયાર છે. નોંધનીય છે કે ગત સપ્તાહે બ્રિટિશ હાઇકોર્ટે આદેશ આપ્યો છે કે બ્રિટિશ અધિકારી લંડન સ્થિત માલ્યટાની સંપત્તિની તપાસ અને જપ્તી કરી શકે છે.
માલ્યાએ કહ્યું 'ભારતમાં ચૂંટણી વર્ષ છે. મને લાગે છે કે મને પાછો લાવીને ફાંસીએ ચડાવી દેવા માંગે છે કારણ કે એમને વધારે વોટ મળી શકે.'
બ્રિટિશ હાઇકોર્ટે ભારતીય બેંકોની અરજી પર ગુરુવારે પોતાનો નિર્ણય સંભળાવ્યો જેમાં કહેવામાં આવ્યું છે કે 13 બેંકોના સંગઠન વિજય માલ્યાથી સંબંધિત સંપત્તિઓની તપાસ અને નિયંત્રણ માટે તપાસ કરી શકે છે.
એનાથી ભડકેલા વિજય માલ્યાએ રવિવારે સમાચાર એજન્સી સાથે વાત કરતા કહ્યું હતું કે એ બ્રિટિશ પ્રવર્તન અધિકારીઓનો પૂરો સહયોગ કરશે. પરંતુ એમના નામે બ્રિટેનમાં કોઇ પ્રોપર્ટી નથી. એટલે સુધી કે એમનો પરિવાર જે ઘરમાં રહે છે એ પણ એમના નામે નથી.
નોંધનીય છે કે ભારત સરકાર માલ્યાના લંડનથી પ્રત્યપર્ણ માટે પૂરું દબાણ કરી રહી છે અને આ માટે લંડનની કોર્ટ સપ્ટેમ્બર સુધી નિર્ણય લઇ શકે છે. માર્ચ 2016માં ભારતથી ફરાર થયા બાદ માલ્યા બ્રિટેનમાં જ રહી રહ્યો છે.
માલ્યાએ કહ્યું કે 'હું હંમેશા ઇંગ્લેન્ડનો નિવાસી અને એનઆરઆઇ રહ્યો છું. તો હું ક્યાં પાછો આવતો? એટલે ફરાર થવાની વાત હંમેશા કેમ કહેવામાં આવે છે? એની પાછળ રાજકારણ છે.'