કાર્યવાહી / જો આમ થયું તો 28 દિવસની અંદર ભારતમાં હશે વિજય માલ્યા

માલ્યા માટે ખુલ્લો રહેશે આ વિકલ્પ

ઉલ્લેખનીય છે કે, આ ઘટના અતિ મહત્વની છે. કારણ કે એજન્સીઓએ વિજય માલ્યા મામલે સંકેત આપ્યા છે કે, ખુબ જ ટુંકા ગાળામાં તેનું ભારત પ્રત્યાપર્ણ કરવામાં આવશે. જો આ અરજી ફગાવવામાં આવે છે તો માલ્યા પાસે ઇન્ટરનેશનલ કોર્ટ અથવા આંતરરાષ્ટ્રીય માનવ અધિકાર પંચ સામે જવાનો વિકલ્પ રહે છે. આ પહેલા લંડનની એક કોર્ટે વિજય માલ્યાના ભારત પ્રત્યાર્પણને લઇને દાખલ કરેલ એક અરજીને ફગાવી હતી. 

બ્રિટેનના ગૃહ સચિવે માલ્યા ભારત પ્રત્યાર્પણની આપી હતી મંજૂરી

માલ્યાએ કોર્ટમાં અપીલ કરી છે કે, તેનું ભારતમાં પ્રત્યાર્પણ કરવામાં ન આવે. કોર્ટે માલ્યાની આ અરજીને ફગાવી હતી. વિજય માલ્યાએ બ્રિટેનના ગૃહ સચિવ સાજીદ જાવિદના તે નિર્ણય વિરૂદ્ધ અરજી કરી હતી જેમાં તેણે માલ્યાના ભારત પ્રત્યાર્પણની મંજૂરી આપી હતી.

મુંબઇમાં ખાસ જેલ કરવામાં આવી છે તૈયાર

ભાગેડું વિજય માલ્યા અને નીરવ મોદીને ભારત લાવાવની વાતો ચાલી રહી છે. ત્યારે હજુ તેમને લાવવાની વ્યવસ્થા થઈ નથી. ત્યા તેમને જેલમાં શું સુવિધા આપવામાં આવશે તેની ચર્ચાઓ ચાલી રહી છે. તેના માટેના રૂમ પણ તૈયાર કરાઈ દીધા છે. એક તરફ ભારતમાંથી કરોડોનું કૌભાંડ કરીને નાસી ગયેલા માલ્યા કે નીરવ મોદીને પકડવાના ઠેકાણા નથી. 

ત્યાં આ આરોપીને ભારતમાં લાગ્યા પછી કઈ જેલમાં રાખવામાં આવશે તેની તૈયારી શરૂ કરી દેવામાં આવી છે. મુંગેરી લાલના હસીન સપનાઓની જેમ ભારતમાં પ્રત્યાર્પણ બાગ નીરવ મોદી અને વિજય માલ્યાને જેલમાં રાખવા માટે મુંબઈની આર્થર રોડ જેલમાં વિશેષ સેલ તૈયાર કરવામાં આવ્યો છે.

ભારત-ઑસ્ટ્રેલિયાની મેચ સમયે જોવા મળ્યો હતો વિજય માલ્યા

ઓવલના મેદાન પર તાજેતરમાં યોજાયેલ ભારત અને ઑસ્ટ્રેલિયાની મેચ જોવા ભાગેડું બિઝનેસમેન વિજય માલ્યા પણ પહોંચ્યા હતા. માલ્યા ભારતીય બેંકોને 9 હજાર કરોડનો ચૂનો લગાવીને લંડન ભાગી ગયો છે, જ્યાં તેના પ્રત્યર્પણના પ્રયત્નો ચાલુ છે. ન્યૂઝ એજન્સી સાથે વાતચીતમાં માલ્યાએ માત્ર એટલું જ કહ્યું, 'હું અહીંયા મેચ જોવા આવ્યો છું.' આ પહેલા માલ્યા 2018માં ભારત અને ઇંગ્લેન્ડની મેચ જોવા પહોંચ્યો હતો. લોન નહીં ચુકવવા અને મની લોન્ડ્રિંગ જેવા કેસમાં તપાસ એજન્સીઓ બ્રિટેમથી માલ્યાને ભારતને સોંપવાની માંગ કરી રહી છે.