ધ કિંગ્સ ઓફ ગુડ ટાઇમ્સની ઓળખ ધરાવનાર વેપારી વિજય માલ્યાના ખરાબ સમયની શરૂઆત થઇ ચૂકી છે. ભારતની આશરે 16 જેટલી બેંકોનું કરોડો રૂપિયાનું ફુલેકુ ફેરવીને લંડન રફુચક્કર થઇ ગયેલા લિકર કિંગ વિજય માલ્યાને તાજેતરમાં વધુ એક ફટકો પડ્યો છે. એક તરફ ભારત સરકાર વિજય માલ્યાને બ્રિટનથી સ્વદેશ લાવવા અને દેવાની વસૂલી કરવા માટે કમર કસી રહી છે ત્યારે વિજય માલ્યાને વધુ એક મોટો ફટકો પડ્યો છે.
જપ્ત થશે માલ્યાનું ગોલ્ડન ટોયલેટ
ઉલ્લેખનીય છે કે માલ્યાની પ્રોપર્ટી જપ્ત થવાની શરૂઆત થઇ ગઇ છે. જેમાં સોનાનું ટોયલેટ કોર્નવોલ ટેરેસમાં માલ્યાની રેજન્ટ પાર્ક હવેલામાં છે જે કેન્દ્રીય લંડનમાં સ્થિત છે.
તેને પણ સ્થાનિક સરકાર દ્વારા જપ્ત કરવામાં આવશે. જો કે આ માટે માલ્યાએ જપ્તીની કાર્યવાહી વિરૂધ્ધ કાયદેસરની દલીલ પણ કરી હતી જો કે યુકેની કોર્ટે તેને રદબાતલ કરીને કાર્યવાહી કરવાના આદેશ આપ્યા છે.
88 હજાર પાઉન્ડની કરવી પડશે ચૂકવણી
આપને જણાવી દઇએ કે અદાલતે આ મામલે યુબીએસને 88 હજાર પાઉન્ડનો દંડ પણ ફટકાર્યો હોવાના સમાચાર પણ પ્રકાશમાં આવ્યા છે.
મે મહિનામાં હાથ ધરાશે સુનાવણી
બેંકમાં ગિરવે રાખીને લીધેલ 20.4 મિલિયન પાઉન્ડના દેણાની ચૂકવણી નહીં કરવા પર સેન્ટ્રલ લંડનના કોર્નવોલ ટેરેસ સ્થિત સંપત્તિને જપ્ત કરવાની માંગણી કરવામાં આવી હતી. આ સમગ્ર મામલાની ફાઇનલ સુનાવણી આગામી મે-2019માં કરવામાં આવશે. આ સુનાવણીમાં માલ્યાએ તેનું ઘર અને ગોલ્ડન ટોયલેટ ગુમાવવાનો વારો પણ આવી શકે છે. આ સાથે જ કોર્ટ આ ટોયલેટની જાહેર હરરાજી પણ કરી શકે છે.