સ્વિસ બેંકનો વિજય માલ્યા પર સકંજો લંડનમાં હવેલી થઈ શકે છે જપ્ત

ભારતમાં બેંકોનું કરોડોનું ફૂલેકુ ફેરવીને વિદેશ ફરાર થયેલા વિજય માલ્યાની લંડન સ્થિતિ હવેલી જપ્ત થઈ શકે છે. સ્વિસ બેંકે વિજય માલ્યા અને તેની માતા તથા તેના દિકરાને રેજેન્ટ પાર્ક સ્થિત કરોડોની હવેલીમાંથી બહાર કાઢવા માટે કોર્ટના દરવાજા ખખડાવ્યા છે. બેંકે પ્રોપર્ટી પર કબજો મેળવવા હાઈકોર્ટમાં અપીલ કરી છે. 

ઉલ્લેખનીય છે કે વિજય માલ્યાએ હવેલી ગિરવે મૂકીને બેંક પાસેથી રૂ. 195 કરોડની લોન લીધી હતી. સમય વીતી ગયા બાદ પણ વિજય માલ્યાએ લોન ન ચૂકવતા બેંકે લાલ આંખ કરી છે. 

રોજ કેપિટલ વેચર્સ લિમિટેડ વિજય માલ્યા તેમની માતા લલિતા માલ્યા અને દીકરા સિદ્ધાર્થ માલ્યા વિરૂદ્ધ કેસની સુનાવણી આગામી 24મી ઓક્ટોબરે થશે. રોજ કેપીટલ વેંચર્સ લિમીટેડે USB પાસે હવેલી ગિરવે મૂકીને રૂ. 195 કરોડની લોન લીધી હતી.  રોજ કેપીટલના શેર ગ્લાડકો પાસે છે અને જેનો માલિકી હક વિજય માલ્યાના પરિવારના સિલેતા ટ્રસ્ટ પાસે છે. માલ્યાએ આ વાતની પુષ્ટી પણ કરી છે. 

USBનું કહેવું છે કે લોનની ચૂકવણી ન થતા તેમના પરિવારને હવેલી ખાલી કરવા કહ્યું હતુ પણ તેઓએ ઈનકાર કર્યો હતો.