ભાગેડું માલ્યાને જોરદાર આંચકો UKમાં 10 000 કરોડના કેસમાં મળી હાર

વિજય માલ્યાને યૂકેની કોર્ટ તરફથી તગડો ઝટકો મળ્યો છે. માલ્યા યૂકેમાં ભારતીય બેન્કોએ ફાઇલ કરેલ કેસ હારી ગયા છે.  માલ્યા પર 13 બેંકોએ 1.55 અરબ ડોલર એટલે કે 10 હજાર 404 કરોડનો કેસ દાખલ કર્યો હતો. લંડનમાં જજ અંડ્રુયુ હેનશૉએ મંગળવારના રોજ કહ્યું કે IDBI બેન્ક સહિત લેન્ડર્સ ભારતીય કોર્ટના નિર્ણયને લાગૂ કરી શકે છે.



 જેમાં માલ્યા પર આરોપ મૂકાયો હતો કે તેણે જાણી જોઇને હવે બંધ પડેલી પોતાની કિંગફિશર એરલાઇન્સ માટે અંદાજે 1.4 અબજ ડોલરની લોન લીધી હતી. જજે માલ્યાની સંપત્તિઓને દુનિયાભરમાં ફ્રીઝ કરવાનો આદેશ પલટવાની માંગ પણ ઠુકરાવી દીધી.  
 

Businessman Vijay Mallya lost a lawsuit filed by 13 Indian banks in the UK High Court seeking to collect from him more than Rs. 10 000 crore. Judge Andrew Henshaw also refused to overturn a worldwide freeze placed on Mallya’s assets. #London pic.twitter.com/ilkaA902Rk

— ANI (@ANI) May 9 2018

ઉલ્લેખનીય છે કે 62 વર્ષીય વિજય માલ્યા યુકેમાં જ નહીં પરંતુ હાલ ભારતમાં પણ કેટલાંય કેસનો સામનો કરી રહ્યાં છે. જેમાં ફ્રોડ અને મની લોન્ડ્રિંગના આરોપો સાથો-સાથ કેટલાય જોડાયેલા કેસ સામેલ છે. એક વર્ષ પહેલાં તેમની લંડનમાં ધરપકડ કરાઇ હતી અને હવે તેઓ પ્રત્યર્પણથી બચવા માટે એક બીજી કોર્ટમાં કાયદાકીય લડાઇ લડી રહ્યાં છે. સુનવણી બાદ માલ્યાના વકીલોએ ટિપ્પણી કરવાની ના પાડી દીધી.



જો કે જજ દ્વારા મંગળવારના રોજ ચુકાદા પર અપીલ કરવાની અનુમતિ પણ આપી નથી.આપને જણાવી દઇએ કે વિજય માલ્યા સહિત નીરવ મોદી જેવા દેશના ટોચના બિઝનેશ મેન દ્વારા ભારતીય બેંકો સાથે આર્થિક છેતરપિંડી આચરવામાં આવી છે અને ત્યારબાદ તેઓ વિદેશ ફરાર થઇ જતા ભારતીય અદાલત દ્વારા તેમની સામે કાયદાકીય કાર્યવાહી કરવાની પણ શરૂઆત કરી દેવામાં આવી છે.