WC 2019 / ઓવલમાં ભારત-ઑસ્ટ્રેલિયાની મેચ જોવા પહોંચ્યો ભાગેડું વિજય માલ્યા

ઓવલના મેદાન પર રવિવારે ભારત અને ઑસ્ટ્રેલિયાની મેચ જોવા ભાગેડું બિઝનેસમેન વિજય માલ્યા પણ પહોંચ્યા છે. માલ્યા ભારતીય બેંકોને 9 હજાર કરોડનો ચૂનો લગાવીને લંડન ભાગી ગય, જ્યાં તેના પ્રત્યર્પણના પ્રયત્નો ચાલુ છે. ન્યૂઝ એજન્સી સાથે વાતચીતમાં માલ્યાએ માત્ર એટલું જ કહ્યું, 'હું અહીંયા મેચ જોવા આવ્યો છું.' આ પહેલા માલ્ચયા 2018માં ભારત અને ઇંગ્લેન્ડની મેચ જોવા પહોંચ્યો હતો. લોન નહીં ચુકવવા અને મની લોન્ડ્રિંગ જેવા કેસમાં તપાસ એજન્સીઓ બ્રિટેમથી માલ્યાને ભારતને સોંપવાની માંગ કરી રહી છે. 

ભારતને એના પ્રત્યર્પણ મામલામાં એપ્રિલમાં મોટી સફળતા મળી હતી. યૂનાઇટેડ કિંગડમના હાઇકોર્ટે માલ્યાની એ અરજીને ફગાવી દીધી, જેમાં એને વેસ્ટમ્ન્સ્ટર મેજિસ્ટ્રેટ કોર્ટ દ્વારા આપવાામાં આવેલા એના પ્રત્યર્પણ આદેશ વિરુદ્ધ અપીલની પરવાનગી માંગી હતી. સીબીઆઇ અને ઇડીએ એની પર છેતરપિંડી, મની લોન્ડ્રિંગ અને વિદેશી મુદ્રા પ્રબંધન અધિનિયમના ઉલ્લંઘનનો આરોપ લગાવ્યો છે. 

10 ડિસેમ્બર 2018એ વેસ્ટમિન્સ્ટર મેજિસ્ટ્રેટની કોર્ટે એને પ્રત્યર્પણનો આદેશ આપ્યો હતો, ત્યારબાદ માલ્યાએ હાઇકોર્ટમાં અપીલ કરી. 

London: Vijay Mallya arrives at The Oval cricket ground to watch #IndvsAus match; says, "I am here to watch the game." #WorldCup2019 pic.twitter.com/3eCK1wQHDq

— ANI (@ANI) June 9, 2019

63 વર્ષના માલ્યા 9000 કરોડ રૂપિયાની લોન ચુકવવામાં નિષ્ફળ રહેવા પર 2 માર્ચ 2016માં ભારતથી ભાગી ગયો હતો. આ લોન એે કિંગફિશર એરલાયન્સ માટે લીધી હતી.