વિજય દેવેરકોંડાની ફિલ્મ લાઈગર બોક્સ ઓફિસ પર ફ્લોપ સાબિત થઈ હતી, બોલીવુડનાં આ ફિલ્મ ડીરેક્ટરે ફિલ્મ વિજય દેવેરકોંડા પર નિશાન સાધ્યું.
વિજય દેવેરકોંડાની હિંદી ડેબ્યુ ફિલ્મ બોક્સ ઓફિસ પર ફ્લોપ સાબિત થઈ હતી
બોલીવુડનાં એક ફિલ્મ ડીરેક્ટરે ફિલ્મ વિજય દેવેરકોંડા નિશાન સાધ્યું
કહ્યું 'વિજય દેવેરકોંડાને કારણે ફ્લોપ થઇ ફિલ્મ '
ટોલીવુડ સ્ટાર વિજય દેવેરકોંડાએ હાલ બોલીવુડમાં તેનું ડેબ્યુ કર્યું હતું, જો કે સાઉથની સાથે સાથે બોલીવુડમાં પણ વિજય દેવેરકોંડા ખુબ જ લોકપ્રિય છે એ છતાં પણ તેની ડેબ્યુ ફિલ્મ 'લાઈગર' દર્શકોને પસંદ આવી ન હતી.જણાવી દઈએ કે વિજય દેવેરકોંડાની હિંદી ડેબ્યુ ફિલ્મ ગયા મહિને જ રિલીઝ થઈ હતી જે બોક્સ ઓફિસ પર ફ્લોપ સાબિત થઈ હતી. બોયકોટ બોલીવુડનાં ટ્રેન્ડ વચ્ચે લાઈગર ફિલ્મ અને ફિલ્મની સ્ટારકાસ્ટને અલગ-અલગ કારણોસર ઘણા ટ્રોલ કરવામાં આવ્યા હતા. આ બધા પછી હવે બોલીવુડનાં એક ફિલ્મ ડીરેક્ટરે ફિલ્મ વિજય દેવેરકોંડા પર નિશાન સાધતા ફિલ્મ ફ્લોપ થવાનું કારણ જણાવ્યું છે.
'વિજય દેવેરકોંડાને કારણે ફ્લોપ થઇ ફિલ્મ '
એક મીડિયા રીપોર્ટ અનુસાર બોલીવુડના જાણીતા ફિલ્મ ડીરેક્ટર રામ ગોપાલ વર્માએ તેના તાજેતરનાં એક ઈન્ટરવ્યુ દરમિયાન વિજય દેવરાકોંડાની ફિલ્મ 'લાઈગર'ને લઈને મોટું નિવેદન આપ્યું હતું. ફિલ્મમેકરે કહ્યું હતું કે, 'લાઈગરના પ્રમોશન દરમિયાન વિજય દેવરાકોંડાના આક્રમક નિવેદનો એ ફિલ્મ પર નકારાત્મક અસર પાડી હતી. સાઉથ ફિલ્મ ઇન્ડસ્ટ્રીના બાકીના સ્ટાર્સ જેમ કે અલ્લુ અર્જુન, પ્રભાસ, જુનિયર એનટીઆર અને રામ ચરણની જેમ વિજય દેવરાકોંડા હિન્દી દર્શકોને પ્રભાવિત કરી શક્યા નથી. વિજયના ઘમંડી વર્તનને કારણે લાઈગર ફ્લોપ ગઈ છે.
બોક્સ ઓફીસ પર ટકી ન શકી લાઈગર
જણાવી દઈએ કે વિજય દેવરાકોંડાની ફિલ્મ 'લાઈગર' 25 ઓગસ્ટના રોજ રીલિઝ થઈ હતી. ફિલ્મમાં વિજય દેવરકોંડા સાથે અનન્યા પાંડે લીડ રોલમાં હતી. લાઈગર ફિલ્મના નિર્માતાઓ અને દર્શકોને આ ફિલ્મ પાસેથી ઘણી આશાઓ હતી. જોકે રિલીઝના પહેલા જ દિવસે 'લાઈગર' કોઈ ખાસ કમાણી કરી શકી નહતી. જણાવી દઈએ કે અમૂક મીડિયા રિપોર્ટ્સ અનુસાર 'લાઈગર'ની નબળી સ્ટોરી અને વિજય દેવરાકોંડાના નિવેદનોને કારણે ફિલ્મ ફ્લોપ ગઈ છે.