બોલિવુડ સ્ટાર શાહિદ કપૂર અને કિયારા અડવાણીની ફિલ્મ 'કબીર સિંહ' 2019ની બ્લોકબસ્ટર ફિલ્મ બની ગઇ છે.
8 દિવસમાં આ ફિલ્મે 150 કરોડની કમાણી કરી દીધી છે. ખાસ કરીને યંગસ્ટર્સમાં આ ફિલ્મને લઇને વધારે ક્રેઝ જોવા મળી રહ્યો છે. કબીર સિંહ, તેલુગૂ ફિલ્મ 'અર્જૂન રેડ્ડી' ની ઑફિશ્યલ રિમેક છે. 'અર્જૂન રેડ્ડી' ના ડિરેક્ટર સંદીપ વાંગાએ જ 'કબીર સિંહ' બનાવી છે. 'કબીર સિંહ' એક કમ્પ્લીટ મસાલા ફિલ્મ છે જેમાં કોમેડી, રોમેન્સ અને ઇમોશન્સ છે.
આ ફિલ્મ જ્યાં એક તરફ શાહિદ કપૂરે પોતાની શાનદાર એક્ટિંગથી ઓડિયન્સને ઇમ્પ્રેસ કરી રહ્યો છે, તો બીજી તરફ એક્ટ્રેસ કિયારા અડવાણીએ પોતાની સાદગીથી લોકોને ફેન બનાવી દીધા છે. કિયારાએ તાજેતરમાં જ પોતાની ફિલ્મની સક્સેસ પાર્ટી કરી હતી, તો આજે જ કિયારાને 'અર્જૂન રેડ્ડી' ના હીરો વિજય દેવરકોંડાએ પોતાના હાથથી લખીને એક લેટર મોકલાવ્યો છે.
આ લેટરમાં સાઉથ એક્ટરે કિયારાના ખૂબ જ વખાણ કર્યા છે. 'અર્જૂન રેડ્ડી' ના એક્ટરની તરફથી મળેલા આ લેટરથી કિયારા પણ ખુશ છે અને પોતાની ઇન્સ્ટા સ્ટોરી પર આ લેટર શૅર કર્યો છે.
2014માં ફિલ્મ 'ફગલી' થી પોતાના કરિયરની શરૂઆત કરનારી કિયારાને 'કબીર સિંહ' ને કારણે એક અલગ ઓળખાણ મળી છે. ઉલ્લેખનીય છે કે, કિયારા હવે કરિના કપૂર અને અક્ષય કુમાર સાથે 'ગુડ ન્યૂઝ' માં જોવા મલશે. આ સિવાય તે 'લક્ષ્મી બોમ્બ', 'શેરશાહ' અને 'ઇંદૂની જવાની' જેવી ફિલ્મોમાં જોવા મળશે.