છત્રાલમાં વિજીલન્સ ટીમની રેડ, 650 પેટી વિદેશી દારૂ સાથે 30 લાખનો મુદ્દામાલ જપ્ત

ગુજરાતમાં દારૂ બંધી હોવા છતાં રોજ ક્યાંકને ક્યાંકથી તો દારૂ પકડાય જ છે. રાજસ્થાન અને બીજા રાજ્યોમાંથી બુટલેગરો દ્વારા કંઇક નવા કિમીયા કરીને ગુજરાતમાં દારૂ ઘુસાડતા ત્ત્વો પકડાય છે. જ્યારે આજે વધુ 650 પેટી વિદેશી દારૂ સાથે 30 લાખનો મુદ્દામાલ જપ્ત કરાયો છે.

સમગ્ર અહેવાલ વિશે જણાવીએ તો, છાત્રાલમાં ધરતી એપોલો ઈન્ડસ્ટ્રીયલ પાર્કના ગોડાઉનમાંથી વિદેશી દારૂ ઝડપાયો છે. વિજિલન્સની ટીમે દરોડા પાડી 650 પેટી વિદેશી દારૂ સહિત 30 લાખ રૂપિયાનો મુદ્દામાલ જપ્ત કર્યો છે.




રેડ દરમિયાન એક કારમાંથી અલગ-અલગ જિલ્લાની નંબર પ્લેટ મળી છે. કાર દ્વારા જ દારૂની હેરાફેરી કરાતી હોવાનું સામે આવ્યું છે. હાલ વિજિલન્સની ટીમે દારૂ ક્યાંથી લવાતો હતો અને ક્યાં મોકલવામાં આવતો હતો તે અંગે વધુ તપાસ શરૂ કરી છે.