કોરોના વાયરસ ફેલાતા રોકવા માટે સરકારે સોશિયલ ડિસ્ટન્સિંગનું પાલન કરવા, હેન્ડવોશ કરવા અને ઘરની બહાર માસ્ક પહેર્યા વિના ન જવાની કડક સૂચના આપવામાં આવી છે. પણ હાલના સમયમાં ઘણી જગ્યાએ માસ્ક મળી નથી રહ્યાં અથવા તો જ્યાં મળી રહ્યાં છે ત્યાં બહુ મોંઘા મળી રહ્યાં છે. પરંતુ તમારે ચિંતા કરવાની જરૂર નથી કારણ કે, બોલિવૂડની ટેલેન્ટેડ અભિનેત્રી વિદ્યા બાલને ઘરે જ એકદમ સરળતાથી માસ્ક બનાવતા શીખવ્યું છે.
હાલ દેશમાં લોકડાઉન છે
સરકારે માસ્ક વિના ઘરથી બહાર ન નીકળવા કડક સૂચના આપી છે
ત્યારે વિદ્યા બાલને લોકોને ઘરે જ માસ્ક બનાવતા શીખવ્યું
તમને જણાવી દઈએ કે, એક્ટ્રેસ વિદ્યા બાલને સોશિયલ મીડિયા પર એક વીડિયો પોસ્ટ કર્યો છે. જેમાં તેણે ઘરે જ સરળ રીતે માસ્ક બનાવવાની રીત જણાવી છે. આ વીડિયોમાં વિદ્યાએ બ્લાઉઝ પીસ અને બે રબર બેન્ડનો ઉપયોગ કરીને માસ્ક તૈયાર કર્યો છે. તેણે લોકોને કહ્યું ઘરમાં રાખેલાં કપડાંથી પણ ફેસ માસ્ક બનાવી શકાય છે. દુપટ્ટો, સાડી કે પછી બ્લાઉઝ પીસથી પણ માસ્ક બનાવીને તમે ખુદને અને પરિવારને સુરક્ષિત રાખી શકો છો. માસ્ક બનાવ્યા બાદ વિદ્યાએ કહ્યું-અપના દેશ અપના માસ્ક.
લોકો તેના આ રીતે માસ્ક બનાવવાના આઈડિયાની ઘણી પ્રસંશા કરી રહ્યાં છે. એક યુઝરે લખ્યું-આ મારો વિદ્યા બાલન માસ્ક છે. જ્યારે વધુ એક યુઝરે લખ્યું-ધન્યવાદ આ શાનદાર વીડિયો બનાવવા માટે. થોડાં દિવસ પહેલાં જ ચાર્લી ચેપલિનના બર્થડે પર વિદ્યાએ એક વીડિયો શેર કર્યો હતો, જેમાં તે ચાર્લી ચેપલિન બની હતી.
વિદ્યા બાલનના અપકમિંગ પ્રોજેક્ટ્સની વાત કરીએ તો તે તે શકુંતલા દેવીમાં જોવા મળશે. આ શકુંતલા દેવીના જીવનચરિત્ર પર આધારિત છે. જેમાં વિદ્યા શંકુતલાના લીડ રોલમાં જોવા મળશે. ફિલ્મના પોસ્ટરમાં વિદ્યા હુબહુ શકુંતલા દેવીના લુકમાં જોવા મળે છે.