ઇન્ટરવ્યૂ / જ્યારે વિદ્યા બાલનનો ફાયદો ઊઠાવવા માગતો હતો ડિરેક્ટર, રૂમમાં લઇ ગયો અને પછી...

એક્ટ્રેસ વિદ્યા બાલન એ પોતાના કરિયર માટે વાત કરી અને પોતાની સાથે થયેલા કાસ્ટિંગ કાઉચના મામલે પણ જણાવ્યું. 

એક મીડિયાને આપેલા ઇન્ટરવ્યૂમાં વિદ્યાએ એ સમય માટે વાત કરી જ્યારે એના હાથથી એક બે નહીં પરંતુ 12 પ્રોજેક્ટ્સ જતા રહ્યા હતા. વિદ્યાએ જણાવ્યું કે કેવી રીતે એને હીરોઇન બનવા માટે ખૂબ સ્ટ્રગલ કરવો પડ્યો હતો અને કેવી રીતે એ લાંબા સમય સુધી પોતાનો ચહેરો કાચમાં જોઇ શકી નહતી. 

એવામાં વિદ્યાએ એક કિસ્સો પણ કહ્યો, જે ચોંકાવનારો હતો. વિદ્યાએ જણાવ્યું કે એક સમય હતો જ્યારે એક ચેન્નાઇમાં કામ માટે એક ડિરેક્ટરને મળવા ગઇ હતી અને કેવી રીતે એ ડિરેક્ટર એનો ફાયદો ઊઠાવવાની ફિરાકમાં હતો. 

વિદ્યાએ કહ્યું, 'એક દિવસ મને યાદ છે કે હું ચેન્નાઇ કામ માટે એક ડિરેક્ટરને મળવા ગઇ હતી. મે એમને કહ્યું કે ચલો ચાલીને કૉફી શૉપમાં બેસીએ અને વાત કરીએ અને એ મને વારંવાર રૂમમાં જવા માટે કહેતો હતો. એ બોલી રહ્યો હતો કે એને મારી સાથે વાત કરવી છે અને અમારે રૂમમાં જવું જોઇએ. તો એના વિચારોને જોતા હું રૂમમાં ગઇ, પરંતુ મે દરવાજો ખુલ્લો રાખ્યો અને એ ડિરેક્ટર મારી સાથ કંઇ વાત કર્યા વગર જ 5 મીનિટમાં ભાગી ગયો.'

જણાવી દઇએ કે વિદ્યા બાલન લાંબા સમયથી ફિલ્મ ઇન્ડસ્ટ્રીનો ભાગ છે. એને પોતાના જોરદાર અભિનય અને અલગ અલગ રોલ્સથી ચાહકોને ખુશ અને પ્રેરિત કર્યા છે. વિદ્યા પોતે ખૂબ જ તાકતવર મહિલા છે અને છોકરીઓને તાકતવર બનવાની પ્રેરણા પણ આપે છે. 

તાજેતરમાં વિદ્યા બાલનની ફિલ્મ મિશન મંગલ રિલીઝ થઇ છે, જેને દર્શકોનો ખૂબ પ્રેમ મળ્યો છે. આ ફિલ્મએ એક સપ્તાહમાં જ 100 કરોડનો આંકડો પાર કરી લીધો હતો. ફિલ્મમાં વિદ્યા સાથે અક્ષય કુમાર, સોનાક્ષી સિંહા, તાપસી પન્નૂ, કીર્તિ કુલ્હારી અને નિત્યા મેનન છે.