ઉનાળું ચોમાસું / VIDEO: ડીસામાં કમોસમી વરસાદ, માઉન્ટ આબુમાં કરા વરસતા પહાડો પર થયા બરફના ઢગલા, જુઓ પ્રકૃતિની કમાલ

• ડીસા પંથકમાં ફરી કમોસમી વરસાદ 
• હોળી બાદ ધૂળેટીના દિવસે પણ વરસ્યો વરસાદ
• કમોસમી વરસાદના કારણે ખેડૂતો ચિંતામાં
• માઉન્ટ આબુમાં કરા વરસતા પહાડો અને છત પર પથરાઇ સફેદ ચાદર

 ડીસા પંથકમાં આજે ફરી ધોધમાર વરસાદનું ઝાપટુ હતું. હોળી બાદ ધૂળેટીના દિવસે પણ વરસાદ થતાં ભર ઉનાળામાં ચોમાસા જેવો માહોલ સર્જાયો છે. છેલ્લા ત્રણ દિવસથી સતત વરસાદી માહોલના કારણે ખેડૂતો પણ ચિંતાતુર બન્યા છે. 

વરસાદી ઝાપટા ના કારણે શહેરના માર્ગો પણ પાણીથી તરબોળ
ડીસામાં છેલ્લા ત્રણ દિવસથી સતત વરસાદ થતા ચોમાસા જેવો માહોલ સર્જાયો છે. હોળી બાદ આજે ધુળેટીના દિવસે પણ ધોધમાર વરસાદ શરૂ થઈ ગયો હતો. ડીસા પંથકમાં ભારે વરસાદી ઝાપટા ના કારણે શહેરના માર્ગો પણ પાણીથી તરબોળ થયા હતા. જ્યારે નીચા વાળી સોસાયટીઓમાં પણ પાણી ભરાયા હતા છેલ્લા ત્રણ દિવસથી સતત વરસાદ થતાં ડીસા પંથકમાં ચોમાસા જેવો માહોલ સર્જાયો છે.

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

કમોસમી વરસાદના કારણે ખેતી પાકને પણ વ્યાપક પ્રમાણમાં નુકસાન
વારંવાર અને સતત કમોસમી વરસાદના કારણે ખેતી પાકને પણ વ્યાપક પ્રમાણમાં નુકસાન થયું છે. ખાસ કરીને ડીસા તેમજ આજુબાજુના ગ્રામીણ વિસ્તારોમાં બટાટા, રાજગરો,રાયડો અને એરંડા નું વાવેતર મોટા પ્રમાણમાં થયું છે અને સતત વરસાદના કારણે આ ચારેય ખેતી પાકમાં મોટુ નુકસાન થતા ખેડૂતો પણ ખેડૂતો ચિંતાતુર બન્યા છે..

પહાડો અને છત પર સફેદ ચાદર પથરાઈ
માઉન્ટ આબુના વાતાવરણમાં પલ્ટો આવવા પામ્યો છે. ત્યારે ગુરૂ શિખર, અચલગઢ સહિત અનેક વિસ્તારોમાં કરાનો વરસાદ પડવા પામ્યો છે. કરા સાથે વરસાદ પડતા પહાડો અને છત પર સફેદ ચાદર પથરાઈ જવા પામી હતી.