રશિયન મિસાઈલ હુમલાથી યુક્રેનની રાજધાની કિવમાં ભારે વિનાશ થયો છે. જેની વચ્ચે યુક્રેનનો દાવો છે કે તેણે 5 રશિયન ફાઈટર જેટને તોડી પાડ્યા છે. આ સાથે એક હેલિકોપ્ટરને પણ તોડી પાડવામાં આવ્યું છે
સોશ્યલ મીડિયા પર શેર થયા વિઝ્યુઅલ્સ
ઘટનાસ્થળે હાજર પત્રકારોએ સોશિયલ મીડિયા પર ઘણા વિઝ્યુઅલ શેર કર્યા છે જેમાં વિસ્ફોટનો વાદળ જોઈ શકાય છે. યુક્રેનના અનેક વિસ્તારોમાં ગભરાટનું વાતાવરણ છે. કિવમાં લાંબા ટ્રાફિક જામ થયા છે, લોકો દોડી રહ્યા છે. લોકોને એર સાયરન દ્વારા પણ ચેતવણી આપવામાં આવી હતી. યુક્રેન પર રશિયાના હુમલા પછી લાઇવ રિપોર્ટ્સ જુઓ.
બેલારૂસના રસ્તે રશિયાના સૈનિકો યુક્રેનમાં ઘૂસ્યા હોવાના સમાચાર આવી રહ્યા છે. યુક્રેનથી આવેલ સમાચાર મુજબ રશિયાએ બેલરૂસના રસ્તે ઘૂસીને બે ગામડાઓ પર કરી લીધો કબજો છે.
રશિયાએ દાવો કર્યો છે કે તેણે રહેણાંક વિસ્તારોમાં હુમલો નથી કર્યો.
યુક્રેન પર રશિયાના હુમલા બાદ હવે બેલારુસે પણ હુમલો કર્યો છે. ખેરસન એરપોર્ટ પર પણ હુમલો કરવામાં આવ્યો છે. અહીં આગની ઉંચી જ્વાળાઓ દેખાઈ રહી છે. હુમલા બાદ રશિયાએ દાવો કર્યો છે કે તેણે રહેણાંક વિસ્તારોમાં હુમલો કર્યો નથી.