યુક્રેનમાં રુસી સેનાનાં હુમલાઓ સતત ચાલી રહ્યા છે. આવામાં હૃદય થંભાવી દે તેવા વીડિયો પણ સામે આવ્યા છે.
યુક્રેનના બે ભયાવહ વીડિયો આવ્યા સામે
વાતચીતના રસ્તા પર યુક્રેન
સ્વીડન પણ મદદ માટે આગળ આવ્યું
યુક્રેનમાં રુસી સેનાનાં હુમલાઓ સતત ચાલી રહ્યા છે. સડકો પર હથિયારોથી સજ્જ ગાડીઓ તથા ટેંક ફરતા જોવા મળી રહ્યા છે. રુસી તથા યુક્રેની સૈનિકો વચ્ચેના સંઘર્ષમાં નાગરિકો પણ નિશાનો બની રહ્યા છે. કીવનાં ઓબોલોન જીલ્લામાં એક યુક્રેની નાગરિકની કાર પર કથિતરૂપથી રુસી ટેંક ચઢાવી દેવામાં આવ્યું. યુક્રેનનાં ઘણા પત્રકારો તથા નાગરિકોએ સોશિયલ મીડિયા પર વીડિયો શેર કરી દાવો કર્યો છે. કારમાં સવાર વૃદ્ધનો જીવ બચી ગયો. એક હજી વીડિયો વાયરલ છે જે ચીનની તીયાનમેન સ્કવાયરની ઘટના જેવો છે. એકમાત્ર નાગરિક રસ્તા પરથી પસાર થઇ રહેલ રુસી ટેંકોનો રસ્તો રોકવાની કોશિશ કરે છે. બંને વીડિયો પર એક કરોડથી પણ વધારે વ્યુઝ છે.
વાતચીતના રસ્તા પર યુક્રેન, રુસ પણ યુદ્ધ છોડવા તૈયાર
યુક્રેન પર રૂસના હુમલાનો આજે ત્રીજો દિવસ છે. શનિવારે રાજધાની કીવ સહીત યુક્રેનનાં બધા મુખ્ય શહેરોમાં ધમાકા થયા છે. રુસી સૈનિક રાજધાની કીવમાં દાખલ થઇ ચુક્યા છે તથા યુક્રેની સૈનિકો સાથે તેમની લડાઈ પણ શરુ થઇ ગઈ છે. આ વચ્ચે યુક્રેને 300 રુસી પેરાટ્રૂપ્સથી ભરેલ બે પ્લેન મારી પછાડવાનો દાવો કર્યો છે. રુસી સૈનિકોએ કીવ એરપોર્ટ પર કબજો કર્યો છે. આ વચ્ચે યુક્રેનની પહેલ બાદ રુસે પણ શાંતિ સ્થાપના માટે વાતચીત કરવાનો સંકેત આપ્યો છે.
સ્વીડન પણ મદદ માટે આગળ આવ્યું
આપને જણાવી દઈએ કે, રશિયાના હુમલાથી યુક્રેનની તસ્વીર બદલી નાખી છે. સ્થિતિ એવી છે કે, યુક્રેન અન્ય દેશોની મદદની આશા રાખીને બેઠું છે. આ જ ક્રમમાં સ્વીડન તેની મદદ માટે આગળ આવ્યું છે. ત્યાર બાદ યુક્રેનના રાષ્ટ્રપતિ વ્લાદિમીર જેલેંસ્કીએ સ્વીડનનો આભાર વ્યક્ત કર્યો હતો. તો વળી જેલેંસ્કીએ એક ટ્વિટમાં લખ્યું છે કે, સ્વીડન યુક્રેનને સૈન્ય, ટેકનિક અને માનવીય સહાયતા આપશે. પ્રભાવી સમર્થન માટે સ્વીડનના પ્રધાનમંત્રીનો આભાર. અમે એક સાથે પુતિન વિરોધી ગઠબંધન નિર્માણ કરી રહ્યા છીએ.
પહેલા પણ કહ્યું હતું નહીં છોડે દેશ
જો કે, આ અગાઉ જેલેંસ્કીએ ભાવુક ટ્વિટ કરતા જણાવ્યું હતું કે, બધાએ અમને એકલા છોડી દીધા. રશિયાનો સૌથી પહેલો ટાર્ગેટ અને હું અને બીજા નંબરે મારો પરિવાર છે. જેલેંસ્કીએ યુક્રેની અધિકારીઓને પણ ચેતવણી આપી છે કે, રશિયા રાજધાની કીવમાં ઘૂસી ગયું છે. જેલેંસ્કીનું કહેવું છે કે, તે અને તેનો પરિવાર ગદ્દાર નથી અને યુક્રેન છોડીને ભાગશે નહીં.