વર્ષ 1987 ચાલી રહ્યું હતું અને દૂરદર્શન પર ટીવી સિરિયલ રામાયણની શરૂઆત થઈ હતી. લોકો રવિવારની રાહ જોઈને સિરિયલ જોવા માટે લાઇન લગાવીને બેસતા હતા. એ દિવસોમાં આ સિરિયલની લોકપ્રિયતા આટલી હતી કે ટીવી પર સિરિયલ શરૂ થતાની સાથે જ શેરીઓ નિર્જન થઈ જતી હતી અને દરેક લોકો બધા કામ છોડીને ટીવી સામે બેસી જતાં હતા. એ સમયે દરેકના ઘરમાં ટીવી પણ નહોતું એટલે જેના ઘરે ટીવી હોય ત્યાં બધા એક સાથે બેસીને રામાયણ જોતાં હતા.
મહિલાને પોતાના 'રામ' મળી ગયા
આ સિરિયલની લોકપ્રિયતા આટલી હતી કે તેમાં કામ કરનાર અભિનેતાઓને એમના પાત્રો દ્વારા લોકો જાણવા લાગ્યા હતા. રામાનંદ સાગરની આ ટીવી સિરિયલમાં અરુણ ગોવિલે રામનું પાત્ર ભજવ્યું હતું અને દીપિકા ચીખલીયા સીતાની ભૂમિકામાં નજર આવ્યા હતા આ સાથે જ સુનીલ લહેરી લક્ષ્મણ બન્યા હતા. એ સમયે તો ઠીક પણ લોકો આજે પણ અરુણ ગોવિલને ભૂલ્યા નથી. આજે પણ એમને ભગવાન રામ જ માનવામાં આવે છે અને લોકો એમને એમના એ જ પાત્રથી ઓળખે છે અને આ વાતનું સબૂત શુક્રવારે જોવા મળ્યું હતું. ગઈકાલે કઇંક એવું બન્યું કે તેનો વિડીયો હાલ સોશ્યલ મીડિયા પર વાયરલ થઈ રહ્યો છે. રામનું પાત્ર ભજવનાર અરુણ ગોવિલ ગઇકાલે સંભાજીનગર પહોંચ્યા હતા અને એરપોર્ટ પર અભિનેતાનાને જોઈને તેના ચરણોમાં પડી ગઈ હતી અને આટલી ખુશ થઈ હતી જાણે તેને પોતાનો 'રામ' મળી ગયો હોય.
મહિલાએ અરુણ ગોવિલના ચરણોમાં પ્રણામ કર્યા
મહારાષ્ટ્રના સંભાજીનગરમાં રામલીલાના આયોજન પ્રસંગે અરુણ ગોવિલ ત્યાં પંહોચ્યાં હતા અને એરપોર્ટ પર એક મહિલાએ તેને જોયો અને એ સાથે જ એ મહિલા એ તેમના ચરણોમાં પ્રણામ કર્યા. રામાયણ સિરિયલથી જ જાણે એ મહિલા તેમણે રાયમ માનતી હતી અને તેનો વિશ્વાસ એટલો ઊંડો હતો કે અરુણ ગોવિલને જોઈ તેને રાયમ ભગવાનના દરશ થઈ ગયા હોય એવું લાગી રહ્યું હતું. એ પછી અરુણ ગોવિલે મહિલાને ઉભા થવા વિનંતી કરી હતી અને પછી તેની સાથે એક ફોટો પણ ખેંચાવ્યો હતો.
અરુણ ગોવિલ સાથે આવી ઘટનાઓ ઘણી વખત બનતી રહે છે
રામાયણથી લોકો તેમને રામ તરીકે જુએ છે અને એક સમયે તેની અને દીપિકાની રામ-સીતા તરીકે આરતી ઘણા ઘરોમાં કરવામાં આવતી હતી. અરુણ ગોવિલે જણાવ્યું હતું કે એક સમયે તેઓ વેકેશન માટે મોરેશિયસ પહોંચ્યા હતા અને હોટલથી રસ્તો ક્રોસ કરતી વખતે તેની સાથે એક ઘટના બની. આ દરમિયાન બે-ત્રણ વાહનોમાંથી લોકો નીચે ઉતરીને અરુણ ગોવિલ તરફ દોડ્યા અને નજીક આવીને ચરણોમાં પડી ગયા હતા.
અરુણ ગોવિલે સિગારેટ છોડી દીધી
અરુણ ગોવિલે આવો બીજો એક કિસ્સો શેર કરતાં કહ્યું હતું કે રામાયણ પછી તે એક સાઉથની ફિલ્મમાં કામ કરી રહ્યો હતો અને એ શૂટિંગ મદ્રાસમાં ચાલી રહ્યું હતું. અરુણ ગોવિલ એ દિવસોમાં સિગારેટ પીતા હતા અને શૂટિંગ પછી સેટની સિગારેટ પીવા ગયા અને એ સમયે એક વ્યક્તિ તેની પાસે આવ્યો અને ખૂબ બડબડાટ કરવા લાગ્યા. અરુણ ગોવિલ જણાવ્યું હતું કે તેની ભાષા તેઓ ન સમજી શક્યા પણ આટલું ચોક્કસપણે સમજી ગયો કે તે વ્યક્તિ શું કહેવા માંગતો હતો. અરુણ ગોવિલને સિગારેટ પીતા જોઈને તેની લાગણીઓને ઠેસ પહોંચી હતી. તેની પોતાની ભાષામાં, તે અરુણ ગોવિલ સામે બડબડાટ કરતો હતો અને એ દિવસથી અરુણ ગોવિલે સિગારેટ છોડી દીધી હતી.