લંડન / VIDEO: કાશ્મીરમાંથી આર્મી હટાવી તો તાલિબાન રાજ થઈ જશે: બ્રિટિશ સાંસદે દુનિયાને આપી ચેતવણી, વીડિયો વાયરલ

• બ્રિટનની સંસદમાં કાશ્મીર પર ચર્ચા કરાઈ 
• સાંસદ યાસ્મીક કુરૈશીએ માનવાધિકારનો મુદ્દો ઉઠાવ્યો હતો
• ભારત સરકારે ખૂબ વિરોધ વ્યક્ત કર્યો

કાશ્મીરમાં સેના હટાવી તો અફઘાનિસ્તાન બની જશે 

દુનિયાભર માં અત્યારે અફઘાનિસ્તાનની ચર્ચા થઈ રહી છે અને આતંકવાદ તથા કટ્ટરવાદ સામે કઈ રીતે લડવું તે માટે વિચાર કરવામાં આવી રહ્યો છે. ત્યારે બ્રિટનની સંસદમાં કાશ્મીર પર ચર્ચા કરવામાં આવી રહી છે. ભારતે આ મુદ્દે વિરોધ કર્યો છે. ત્યારે બ્રિટનની સંસદમાં જ એક સાંસદે ભારતનો પક્ષ લઈને કહ્યું છે કે જૉ કાશ્મીરમાંથી સેનાને હટાવવામાં આવશે તો તે અફઘાનિસ્તાન બની જશે અને તાલિબાન જેવો નિઝામ ત્યાં આવી જશે. 

UK Parliamentarian @BobBlackman in House of Commons says, Only Indian Army has stopped Jammu & Kashmir in India from becoming Taliban’s Afghanistan.🔥 pic.twitter.com/6r9lC93448

— Aaraadhya Saxena 🇮🇳 (@ihailmyindia) September 24, 2021

ભારતીય સેના કાશ્મીરમાં લોકતંત્રની રક્ષા માટે રોકાયેલી છે

બ્રિટનની સંસદમાં એક સાંસદે ઊભા થઈને કહ્યું કે જૉ કાશ્મીરમાંથી સેનાને હટાવી દેવામાં આવી તો ત્યાં પણ તાલિબાન જેવો નિજામ ઊભો થઈ શકે છે. લંડનમાં સાંસદ બૉબ બ્લેકમેને કહ્યું કે ભારતીય સેના કાશ્મીરમાં લોકતંત્રની રક્ષા માટે રોકાયેલી છે. જૉ ત્યાંથી સેના હટાવી દેવામાં આવે તો અફઘાનિસ્તાનની જેમ જ કાશ્મીરમાં પણ ઈસ્લામિક શક્તિઓ લોકતંત્રને બરબાદ કરી નાંખશે. તેમણે અફઘાનિસ્તાનનું ઉદાહરણ આપતા કહ્યું કે ત્યાં શું થઈ રહ્યું છે તે બધા જાણે છે. નોંધનીય છે કે તેમની આ સ્પીચ હવે સોશ્યલ મીડિયામાં વાયરલ થઈ રહી છે. 

સાંસદ યાસ્મીક કુરૈશીએ માનવાધિકારનો મુદ્દો ઉઠાવ્યો હતો

સાંસદ અબ્રાહમ અને પાકિસ્તાની મૂળનાં સાંસદ યાસ્મીક કુરૈશીએ ત્યાંની સંસદમાં માનવાધિકારનો મુદ્દો ઉઠાવ્યો હતો. તે દરમિયાન જ બોબ બ્લેકમેન ઊભા થયા અને ભારતીય સેના વિશે કહ્યું કે ભારતીય સેનાની તાકાતનાં લીધે જ કાશ્મીરને અફઘાનિસ્તાન બનતા રોકેલું છે. તેમણે કહ્યું કે જમ્મૂ કાશ્મીર ભારતનાં કાદયા અનુસાર અભિન્ન અંગ છે. 

ભારત સરકારે ખૂબ વિરોધ વ્યક્ત કર્યો

નોંધનીય છે કે બ્રિટિશ સાંસદોએ કાશ્મીરમાં માનવાધિકાર મુદ્દા પર એક પ્રસ્તાવ મૂક્યો છે. આ મુદ્દે ભારત સરકાર ખૂબ વિરોધ વ્યક્ત કર્યો છે. ભારતે કહ્યું છે કે દેશના અભિન્ન અંગ પર કોઈ પણ વિષય પર ચર્ચા કોઈ પણ મંચ પર સ્વીકારવામાં આવશે નહીં.