'गणपति बप्पा मोरिया, अगले बरस तू जल्दी आ' ના જયકારાની સાથે ગુરુવારે મહારાષ્ટ્રના પૂણેમાં ભગવાન ગણેશની પ્રતિમાઓનું અલગ-અલગ જગ્યાએ વિસર્જન કરવામાં આવ્યુ. આખા શહેરોમાં ઢોલ-નગારા સાથે શેહોરોમાં પાંચ મુખ્ય મંડળોએ વિસર્જન વખતે બાપ્પાની નગરયાત્રા યોજાઇ હતી. ગણપતિ વિસર્જન વખતનો એક વીડિયો સોશ્યલ મીડિયા પર હાલમાં ખૂબ જ વાયરલ થઇ રહ્યો છે.
મહારાષ્ટ્રના પૂણે શહેરમાં ભગવાન ગણેશની પ્રતિમાનું વિસર્જન કરાયુ
પૂણામાં ગણપતિ વિસર્જનનો એક વીડિયો સોશ્યલ મીડિયા પર વાયરલ
ગણેશ વિસર્જન વખતે બાપ્પાના હજારો ભક્તોએ એમ્બ્યુલન્સને આપી જગ્યા
આ વીડિયોમાં ગણેશ વિસર્જન દરમિયાન બાપ્પાના ભક્ત એક એમ્બુયલ્સને રસ્તો આપતા જોવા મળી રહ્યા છે. આ ઘટના લક્ષ્મી રોડ વિસ્તારની છે. કહેવાઇ રહ્યુ છે કે, લક્ષ્મી રોડ પર ગણેશ પ્રતિમાના વિસર્જન માટે હજારોની સંખ્યામાં લોકો રસ્તા પર આવ્યા હતા. રોડ પર પગ મૂકવાની પણ જગ્યા નહોતી એટલી ભીડ હતી. આ દરમિયાન એમ્બ્યુલન્સનો અવાજ સંભળાયો.
એમ્બ્યુલન્સને આવતી જોઇને બાપ્પાના ભક્તો મોડુ કર્યા વગર રસ્તા પરથી હટી ગયા અને સરળતાથી એમ્બ્યૂલન્સને લક્ષ્મી રોડ વિસ્તારમાંથી પસાર થઇ ગઇ. આ દરમિયાન એમ્બ્યુલન્સને ઝડપથી જવા માટે અમુક લોકોએ રસ્તો ખાલી કરવાનું કામ કર્યુ. ઉલ્લેખનીય છે કે, પૂણેના પાંચ મુખ્ય ગણેશ મંડળ- કસ્બા ગણપતિ, તમ્બાદી જોગેશ્વરી મંડળ, ગુરજી તાલિમ મંડળ, તુલસી બાગ મંડળ અને કેસરીવાડા મંડળે ગણપતિની ઝાંખી યોજી હતી.
પૂણેના જુદા-જુદા વિસ્તારોમાં ઝાંખી ફર્યા બાદ પ્રતિમાઓનું મુઠા નદીમાં વિસર્જન કરવામાં આવ્યુ. 2 સપ્ટેમ્બરે ગણેશ ચતુર્થીના રોજ 10 દિવસોના ગણેશોત્સવ શરૂ થયો હતો. અનંત ચૌદશે ગણપતિજીની પ્રતિમાઓના વિસર્જન સાથે ગણેશોત્સવનું સમાપન થયું.