સોશિયલ મીડિયામાં વાઇલ્ડલાઇફ સાથે જોડાયેલા વીડિયો અવાર-નવાર વાયરલ થતા હોય છે. જેમાંથી કેટલાંક વીડિયોમાં જંગલી પ્રાણીઓની વચ્ચે આક્રમક લડાઈ જોવા મળે છે. તો કેટલાંક વીડિયો એટલા સારા હોય છે કે તેને પશુપ્રેમીઓ વારંવાર જોવાનું પસંદ કરે છે.
સોશિયલ મીડિયામાં બકરી અને વિશાળકાય ગેંડાનો વીડિયો વાયરલ
બકરી પોતાનાથી મહાકાય એવા ગેંડા સાથે ભીડી રહી છે બાથ
મહાકાય ગેંડાએ બકરીને કોઈ પણ પ્રકારનું નુકસાન ના પહોંચાડ્યુ
સો.મીડિયામાં બકરી અને વિશાળકાય ગેંડાનો વીડિયો વાયરલ
તાજેતરમાં સોશિયલ મીડિયામાં એક બકરી અને વિશાળકાય ગેંડાનો વીડિયો ઝડપથી વાયરલ થઇ રહ્યો છે. જેમાં બકરી પોતાનાથી ઘણા મહાકાય એવા ગેંડા સાથે બાથ ભીડી રહી છે. તો ગેંડો શાંત પ્રાણી હોય છે. પરંતુ જો ગેંડાને કોઈ પરેશાન કરે તો તે એકઝાટકે તેને બોધપાઠ ભણાવી શકે છે. વાયરલ થયેલા વીડિયોમાં તમે જોઈ શકો છો કે એક ખાલી મેદાનમાં બકરી અને ગેંડો ઉભા રહ્યાં છે. ગેંડો આરામથી ઉભો છે. પરંતુ બકરીના મનમાં કશું ચાલી રહ્યું છે. બકરી કઈક એવુ કરે છે કે જેને જોઈને તમે કહેશો કે બકરી કામથી ગઇ. બકરી અચાનક ગેંડાને શિંગડા મારવાનું શરૂ કરી દે છે. હવે તમે વિચારી રહ્યાં છો કે ગેંડો એકઝાટકે બકરીનું કામ તમામ કરી શકતો હતો. પરંતુ ગેંડાએ આવુ કશુ કર્યુ નહીં. તો આવો જોઈએ સૌથી ક્યુટ વીડિયો. પછી જાણીએ કે આખરે આ મહાકાય ગેંડાએ કોઈ પણ પ્રકારનું નુકસાન કેમ ના પહોંચાડ્યુ.
આ વીડિયોને ઈન્સ્ટાગ્રામ પર planetearth.explorer નામના એકાઉન્ટ પરથી શેર કરવામાં આવ્યો છે. એક દિવસ પહેલા શેર થયેલો આ વીડિયો લોકોને ખૂબ પસંદ આવી રહ્યો છે. અત્યાર સુધી 11 હજારથી વધુ લોકો આ વીડિયોને જોઈ ચૂક્યા છે. આ સંખ્યામાં સતત ગ્રાફ વધી રહ્યો છે.
પહેલા બકરી ગેંડા સાથે ખૂબ લડતી હતી
ઈન્સ્ટાગ્રામ એકાઉન્ટમાં આપવામાં આવેલી માહિતી મુજબ, આ અનાથ ગેંડાનું નામ સમર છે. જ્યારે આ ફક્ત 4 અઠવાડિયાનો હતો ત્યારે તેને વાઈલ્ડ કેયર સેન્ટર પર લાવવામાં આવ્યો હતો. તે વખતે સેન્ટરમાં કોઈ ગેંડા નહોતા. તેથી ગેંડાને મિત્રતાના નાતે બકરી સાથે ભેટો કરાવવામાં આવ્યો હતો. પરંતુ આ બકરી અજાણ્યા પ્રાણીથી બિલકુલ ખુશ નહતી. જો કે સાડા ત્રણ વર્ષ બાદ હવે આ બંને એકસાથે રહેવા લાગ્યા છે. શરૂઆતમાં બકરી ગેંડાની સાથે ખૂબ લડતી હતી. જેનો એક વીડિયો સોશિયલ મીડિયામાં હવે વાયરલ થઇ રહ્યો છે.