Video: સુરતમાં દેશી દારૂનો ખુલ્લેઆમ વેપલો રસ્તા પર પોટલી પી'ને લોકો માણી રહ્યા છે મજા

સુરતઃ ગાંધીના ગુજરાતમાં દારૂબંધી હોવા છતા પણ રાજ્યમાં દારૂનો ધંધો ધમધમી રહ્યો છે. સુરત શહેરના અમરોલી વિસ્તારમાં દેશી દારૂના વેચાણનો વિડીયો વાયરલ થઈ રહ્યો છે. ગામડાઓની વાત જવા દઇએ તો પણ શહેરોમાં સંપૂર્ણ દારૂબંધી પર પ્રશ્નાર્થ છે. અમરોલી વિસ્તારમાં દેશી દારૂ વેચાતો હોવાનો વીડિયો વાયરલ થયો છે. ખુલ્લેઆમ દેશી દારૂ વેચાઈ રહ્યો છે. 

વીડિયોમાં સ્પષ્ટ પણે જોઈ શકો છો કે લોકો આ વીડિઓમાં ખુલ્લેઆમ દારૂ પીતા જોવા મળે છે. આ વીડીઓ વાયરલ થતાં દારૂબંધીના ધજાગરા ઉડવા લાગ્યા છે. પોલીસની રહેમનજર હેઠળ દારૂના અડ્ડા ધમધમી રહ્યા છે.
 

#Surat @CP_SuratCity
સુરતમાં દેશી દારૂના વેચાણનો #ViralVideo લોકો ખુલ્લેઆમ કરી રહ્યા છે મદિરાપાન.. pic.twitter.com/PxyA3zcJKj

— VTV Gujarati News (@VtvGujarati) May 22 2018

તો સાથે જ અમદાવાદ શહેરના ઘાટલોડીયા વિસ્તારમાં સ્થાનિકોએ જનતા રેડ પાડી હતી. સ્થાનિકોએ આક્ષેપ કર્યો હતો કે ખુલ્લેઆમ દારૂ વેચાઈ રહ્યો છે. અને પોલીસ દ્વારા કોઈ કાર્યવાહી ન થતા સંજયનગરના છાપરાંમાં સ્થાનિકોએજ જનતા રેડ પાડી હતી. 

આ વિડીયોમાં સ્પષ્ટ જોઈ શકાય છે કે દેશી દારૂના ચાલતા અડ્ડા પર સ્થાનિકો અને બૂટલેગરોની ઘર્ષણ પણ થાય છે. વાત ત્યાં જ પૂરી નથી થતી અડ્ડો બંધ કરાવવાં માટે દેશી દારૂના જથ્થા સાથે મોટી સંખ્યામાં સ્થાનિકો ઘાટલોડીયા પોલીસ સ્ટેશન પહોંચ્યા હતા. અને અંતે પોલીસે સ્થાનિકોને સાથ આપીને સંજયનગરના છાપરાંમાં રેડ પાડી હતી. 



રેડ દરમિયાન પોલીસે બૂટલેગરના ઘરમાં ટાંકીમાંથી દેશી દારૂનો જથ્થો કબ્જે કર્યો હતો. પોલીસે ત્રણ લેકોની અટકાયત પણ કરીને વધુ તપાલ હાથ ધરી હતી.ત્યારે પ્રશ્ર્ન એ થાય કે પોલીસ જાતેજ કેમ પોતાની ફરજ બજાવી શકતી નથી ? જ્યારે સ્થાનિકો કોઈ કદમ ઉઠાવે ત્યાર બાદ પોલીસને તેની ફરજ યાદ આવે છે.