વીડિયો / ન્યૂઝીલેન્ડનાં ખેલાડીએ મેદાન પર કરી આ હરકત તો કે એલ રાહુલે મારી દીધો મુક્કો, જુઓ Video

• કે એલ રાહુલ અને જીમ્મી નીશમ વચ્ચે બની ઘટના 
• 31 વર્ષ બાદ ભારત સામે કોઈ ટીમ ક્લીન સ્વીપ કરી સીરીઝ જીતી 
• કે એલ રાહુલે ફટકારી સદી 

વીસમી ઓવરમાં કે એલ રાહુલ અને જીમ્મી નીશમ વચ્ચે બોલાચાલી થઇ હતી. નીશમની બોલ પર રાહુલે શોટ રમ્યો અને પછી રન લેવા માટે દોડ્યા. નીશમ વચોવચ ઉભા હતા જેથી કે એલ રાહુલે રસ્તો બદલીને જવું પડ્યું. જે બાદ કે એલ રાહુલ નીશમની પાસે ગયા અને મજાકમાં છાતી પર મુક્કો મારીને વચ્ચે ન આવવાની સલાહ આપી. 

Watch “Untitled” on #Vimeo https://t.co/HnhZPILldE

— ANOOP DEV (@AnoopCricket) February 11, 2020

સોશિયલ મીડિયામાં વીડિયો વાયરલ 

આ ઘટના સોશિયલ મીડિયામાં ખૂબ વાયરલ થઇ રહી છે. નોંધનીય છે કે કે એલ રાહુલ અને નિશમ આઈપીએલમાં એક જ ટીમમાંથી રમતા દેખાશે. કિંગ્સ ઈલેવન પંજાબના કેપ્ટન કે એલ રાહુલ છે અને નીશમ તે જ ટીમનો હિસ્સો બનશે. 

નીશમનો જવાબ : 

Just a bit of banter. Nobody crossed the line 😂 https://t.co/g5HmZodfYH

— Jimmy Neesham (@JimmyNeesh) February 11, 2020

ન્યૂઝીલેન્ડનાં બોલર જીમ્મી નીશમે સોશિયલ મીડિયા પર જ આ મુદ્દે જવાબ આપ્યો હતો. તેમણે કે એલ રાહુલ મુક્કો મારતા હોય તેવો ફોટો પણ શેર કર્યો હતો. નીશમ ખૂબ હળવા અંદાજમાં તેમાં સંદેશ પણ લખ્યો અને કહ્યું કે કોઈ પોતાની હદ પાર કરી નથી. 

31 વર્ષ બાદ ભારતની આવી હાર થઇ 

ન્યૂઝીલેન્ડ ભારત સામે ક્લીન સ્વીપથી સીરીઝ જીત્યું હતું. 1988-89 પછી આ પહેલો મોકો હતો જયારે ભારતીય ટીમે ક્લીન સ્વીપનો સામનો કરવો પડ્યો. 31 વર્ષ પહેલા વેસ્ટઇન્ડીઝની સામે સીરીઝમાં 5-0થી હારનો સામનો કરવો પડ્યો હતો. નોંધનીય છે કે 2006માં પણ ભારતીય ટીમ 4-0થી હારી ગયું હતું પરંતુ તે સીરીઝમાં પહેલી મેચ વરસાદનાં કારણે રદ્દ થઇ હતી. સાથે જ વિરાટ કોહલીની આગેવાનીમાં પહેલી સીરીઝ હતી જેમાં ભારતીય ટીમ આટલી ખરાબ રીતે હારી હોય.