સાવજો ગેલમાં / અમરેલીમાં મેઘ ગર્જના વચ્ચે સાવજોની ડણક, વૃક્ષની ડાળીએ મસ્તીમાં મગ્ન વનરાજાનો VIDEO વાયરલ

• અમરેલી-વરસાદી સીઝનમાં જંગલના રાજાઓ આવ્યા ગેલમાં
• બે સિંહો મસ્તી કરતા કેમેરામાં થયા કેદ 
• ગીર પંથકમાં સિંહોની મસ્તી સોશિયલ મીડિયામાં થઈ વાયરલ 

અમરેલીના જંગલમાં મનમોહક વરસાદી વાતાવરણ વચ્ચે બે સાવજો મસ્તીએ ચડયા હોવાનો વીડિયો વાયરલ થયો છે. અમરેલી પંથકમાં વરસાદ થતાં જંગલના રાજા સિંહ મસ્તીના મૂડમાં જોવા મળ્યા છે. જંગલમાં બે સિંહો વૃક્ષોની ડાળી પર એકબીજા સાથે મસ્તી કરતાં કેમેરામાં કેદ થયા છે. ચોમાસાની ઋતુમાં કાળા ડિબાંગ વાદળો અને સુસવાટા નાખતા પવન વચ્ચે સિંહો ગેલમાં આવ્યા હોવાંનું વીડિયોમાં દ્રશ્યમાન થઈ રહ્યું છે. જે વીડિયો હાલ સોશિયલ મીડિયામાં ધૂમ વાયરલ થઇ રહ્યો છે. નોંધનિય છે કે, ગીર પંથકમાં સિંહોનો અવારનવાર વીડિયો વાયરલ થતાં હોય છે તેવામાં વધુ એક વખત વનરાજાની મસ્તી સોશિયલ મીડિયામાં વાયરલ થયો છે. જુઓ વીડિયો...