ઓલિમ્પિક 2024 / Video: ભારતે અંગ્રેજોને હરાવતા દિગ્ગજ કોમેન્ટેટરની આંખો છલકાઇ

Indian Hockey Team Paris Olympics 2024: ભારતીય પુરૂષ હોકી ટીમે ફરી એકવાર ઇતિહાસ રચ્યો છે. ક્વાર્ટર ફાઇનલમાં બ્રિટનને હરાવીને ટીમે સતત બીજી વખત ઓલિમ્પિકની સેમિફાઇનલમાં જગ્યા બનાવી છે.

ભારતીય પુરૂષ હોકી ટીમે ફરી એકવાર ઇતિહાસ રચ્યો છે. ક્વાર્ટર ફાઇનલમાં બ્રિટનને હરાવીને ટીમે સતત બીજી વખત ઓલિમ્પિકની સેમિફાઇનલમાં જગ્યા બનાવી છે. આ રોમાંચક મેચમાં ભારતીય ગોલકીપર પીઆર શ્રીજેશે શાનદાર પ્રદર્શન કર્યું અને ટીમને જીત અપાવી છે. ભારત મેચ જીતતાની સાથે જ દેશમાં ખુશીની લહેર દોડી ગઈ હતી. રમતના ચાહકો નાચવા લાગ્યા અને કોમેન્ટેટર પણ ખુશીથી જુમી ઉઠ્યા હતા.

કમેંટેટરની આંખો છલકાઇ

ભારતમાં ઓલિમ્પિકના સત્તાવાર પ્રસારણકર્તા Jio સિનેમા માટે કોમેન્ટ્રી કરી રહેલા સુનિલ તનેજા ભાવુક થઈ ગયા હતા. ભારતીય હોકી ટીમ જીતતાની સાથે જ તે ભાવુક થઈ ગયો હતો.

કોમેન્ટ્રી કરતી વખતે તેની આંખોમાંથી ખુશીના આંસુ આવી ગયા. લોકોને સુનીલ તનેજાની કોમેન્ટ્રી ખૂબ પસંદ છે. ઓલિમ્પિક ગેમ્સ દરમિયાન તેમનો અવાજ હિન્દી કોમેન્ટ્રીનો જીવ છે. તે લોકોને સરળ ભાષામાં રમત સમજાવે છે.

પેનલ્ટી શૂટઆઉટમાં ભારતનો વિજય

મેચની વાત કરીએ તો ભારતીય ખેલાડી અમિત રોહિદાસને રેડ કાર્ડ બતાવવામાં આવ્યું, જે બાદ ટીમને 10 ખેલાડીઓ સાથે રમવું પડ્યું હતું. નિર્ધારિત સમયમાં મેચ 1-1 થી બરોબરી બાદ પેનલ્ટી શૂટઆઉટમાં ગઈ હતી. ગોલકીપર પીઆર શ્રીજેશે પોતાના અનુભવનો ભરપૂર ઉપયોગ કરીને બ્રિટનના બે શોટ બચાવ્યા અને ટીમને જીત તરફ દોરી ગઈ.

વધું વાંચોઃ ક્વાર્ટર ફાઇનલમાં અમિત રોહદાસને રેડ કાર્ડ, 11ના બદલે 10 ખેલાડીઓ સાથે ભારતીય હોકી ટીમ મેદાને

શ્રીજેશની છેલ્લી ઓલિમ્પિક

36 વર્ષીય શ્રીજેશ માટે આ છેલ્લી ઓલિમ્પિક છે. પોતાના અનુભવથી તેણે પેનલ્ટી શૂટઆઉટમાં ટીમને જીત અપાવી હતી. હવે સેમીફાઈનલમાં ભારતનો સામનો જર્મની સામે થઈ શકે છે. જર્મની અને આર્જેન્ટિના વચ્ચેની ક્વાર્ટર ફાઈનલનું પરિણામ નક્કી કરશે કે ભારતનો આગામી હરીફ કોણ હશે. બ્રિટન સામેની આ જીત દેશ માટે ગર્વની ક્ષણ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ