નીતા મુકેશ અંબાણી કલ્ચરલ સેન્ટરના લોન્ચિંગના બીજા દિવસે શાહરુખ ખાને ઝૂમે જો પઠાણ પર ઠુમકા લગાવ્યા તો વરુણ ધવને સુપરમોડલ ગીગી હદીદ સાથે ડાન્સ કરીને કિસ કરી.
નીતા મુકેશ અંબાણી કલ્ચરલ સેન્ટરના લોન્ચિંગનો બીજો દિવસ શાનદાર રહ્યો
શાહરુખ ખાન, વરુણ ધવન અને રણવીર સિંહ ઝૂમે જો પઠાણ પર ડાન્સ કર્યો
વરુણ ધવને સુપરમોડલ ગીગી હદીદ સાથે ડાન્સ કર્યો
મુંબઈમાં ગઈકાલે રાત્રે નીતા મુકેશ અંબાણી કલ્ચરલ વેન્ચર ઈવેન્ટનો બીજો દિવસ પણ શાનદાર રહ્યો હતો. જ્યાં હોલીવુડ અને બોલિવૂડ સેલેબ્સે રેડ કાર્પેટ પર સુંદર તૈયાર થઈને જલવો બતાવ્યો એ બાદ તેઓએ ડાન્સથી ઇવેન્ટને શાનદાર બનાવી દીધો હતો. હાલ સોશિયલ મીડિયા પર એક પછી એક પરફોર્મન્સના વીડિયો સામે આવી રહ્યા છે.
હાલ એક વિડીયો વાયરલ થઈ રહ્યો છે જેમાં શાહરુખ ખાન, વરુણ ધવન અને રણવીર સિંહ સાથે તેની બ્લોકબસ્ટર ફિલ્મ પઠાણના ગીત ઝૂમે જો પઠાણ પર ડાન્સ કરતો જોવા મળે છે. પઠાણ પર ડાન્સ કર્યા બાદ વરુણ ધવન નો એક વીડિયો જોવા મળ્યો છે, જેમાં તે હોલિવૂડ સુપરમોડલ ગીગી હદીદ સાથે ડાન્સ કરતો જોવા મળી રહ્યો છે. વિડીયોમાં એમ પણ જોવામાં મળ્યું કે ડાન્સ કરતાં વરુણ ગીગી હદીદને ખોળામાં ઉઠાવી લે છે અને એ બાદ ગાલ પર કિસ પણ કરે છે.