જેસરઃ ભાવનગરના જેસરમાં ઘોડાપૂરની સ્થિતિને પગલે ભરબજારમાં વરસાદી પાણી ઘુસ્યા હતા. ભારે વરસાદને કારણે પાણીનો પ્રવાહ વધતા 2 યુવકો પાણીમાં તણાયા હતા. જ્યારે અન્ય એક યુવક બાઈક સાથે ધસમસતા પાણીના પ્રવાહમાં તણાઈ ગયો.
જોકે અન્ય યુવકોએ આ યુવકને ભારે જહેમત બાદ બચાવી લીધો હતો. પાણીનો પ્રવાહ એટલો જોરદાર હતો કે આ બન્ને યુવકો પોતાનો જીવ બચાવવા લાગ્યા હતા. મહત્વનું છે કે છેલ્લા 3 દિવસથી ભાવનગરમાં વરસાદને કારણે પુરની સ્થિતિ સર્જાઈ છે અને કેટલાક વિસ્તારો પાણીમાં ગરકાવ થઈ ગયા છે.
જેસરમાં વરસ્યો મૂશળધાર
બીજી બાજુ ભાવનગરમાં મેઘરાજાએ કહેર મચાવતા સમગ્ર વિસ્તાર જળબંબાકાર જોવા મળ્યો હતો. ધોધમાર વરસાદના પગલે કેટલાક ગામડાઓ બેટમાં ફેરવાયા હતા. ફૂલવાડી વિસ્તારમાંથી સ્થળાંતર કરાયેલા તમામ લોકો પરત ફર્યા હતા. રવિવારે સાંજે મૂશળધાર વરસાદ પડતા ફૂલવાડી વિસ્તારના 125 લોકોએ સ્થળાંતર કર્યુ હતું. જયારે હાલ મેઘરાજાએ વિરામ લેતા સમગ્ર વિસ્તારમાં પાણી ઓસર્યા હતા.