Turkey earthquake / VIDEO: આ દ્રશ્ય જોઈને રડી પડશો, કાટમાળ નીચે 17 કલાક સુધી નાના ભાઈને હિંમત આપતી રહી 7 વર્ષની બહેન

• તુર્કીયેમાં હજુ પણ હજારો લોકો કાટમાળ નીચે દટાયા હોવાની આશંકા
• કાટમાળ નીચે દટાયેલી 7 વર્ષની બાળકીનો વિડીયો હાલ સોશ્યલ મીડિયા પર વાયરલ
• 17 કલાક પછી બંનેને સુરક્ષિત બહાર કાઢવામાં આવ્યા

તુર્કી અને સીરિયામાં આવેલા વિનાશકારી ભૂકંપના ઘણા વીડિયો અને તસવીરો હાલ વાયરલ થઈ રહી છે અને એ પરથી જાણી શકાય છે કે આ ધરતીકંપે કેટલી તબાહી મચાવી છે. તુર્કી અને સીરિયામાં આવેલા ભૂકંપના કારણે મોતનો આંકડો સતત વધી રહ્યો છે. અત્યાર સુધીમાં લગભગ 8 હજાર લોકોના મોત થયા છે પણ વિશ્વ આરોગ્ય સંસ્થાએ આ દુર્ઘટનામાં લગભગ 20 હજાર લોકોના મોતની આશંકા વ્યક્ત કરી છે. હજુ પણ હજારો લોકો કાટમાળ નીચે દટાયા હોવાની આશંકા છે. એવામાં હાલ એક વિશાળ પથ્થરના કાટમાળ નીચે દટાયેલી 7 વર્ષની બાળકીનો વિડીયો હાલ સોશ્યલ મીડિયા પર વાયરલ થઈ રહી છે. 

સોશ્યલ મીડિયા પર વાયરલ થયો વિડીયો 
વિશાળ પથ્થરના કાટમાળ નીચે દટાયેલી 7 વર્ષની બાળકી તેના નાના ભાઈને હાથમાં પકડીને બેઠી છે જેથી મૃત્યુ તેનો વાળ બગાડી ન શકે. રિપોર્ટ મુજબ આ છોકરી તેના ભાઈ સાથે 17 કલાક સુધી આ પથ્થર નીચે દટાયેલી રહી અને મદદની રાહ જોતી રહી. તેણે પોતે પણ હિંમત હારી નહિ અને પોતાના નાના ભાઈની પણ હિંમતને તૂટવા  ન દીધી. હાલ આ બાળકીને બચાવી લેવામાં આવી છે. હાલ સોશ્યલ મીડિયા પર તેની તસવીરો અને વિડીયો ઘણા વાયરલ થઈ રહ્યા છે. 

The little girl said to the rescuer that, sir, if you rescue me and my brother ... we will become your slaves for the rest of our lives 😥#TurkeyEarthquake #Turkey #earthquake pic.twitter.com/PUBXyiKYgH

— Shehr Bano Official (@OfficialShehr) February 7, 2023

17 કલાક પછી બંનેને સુરક્ષિત બહાર કાઢવામાં આવ્યા
જણાવી દઈએ કે સંયુક્ત રાષ્ટ્રના પ્રતિનિધિ મોહમ્મદ સાફાએ આ બાળકી અને તેના ભાઈનો એક વિડીયો હાલ ટ્વિટર પર શેર કર્યો હતો. કાટમાળમાં મોટા પથ્થર નીચે 17 કલાક સુધી દટાયા પછી રેસ્ક્યૂ ટીમ દ્વારા બંનેને સુરક્ષિત રીતે બહાર કાઢવામાં આવ્યા છે. હાલ વાયરલ થયેલ આ વિડીયોમાં આ છોકરી તેના નાના ભાઈના માથા પર હાથ રાખતી જોવા મળે છે અને બંને બાળકો ખુલ્લી આંખે મદદ માટે બહાર જોતા જોવા મળે છે. હાલ આ આ વિડીયો સોશ્યલ મીડિયા પર ઝડપથી વાયરલ થઈ રહી છે. 

આ વિડીયો જોયા બાદ લોકો ગંભીર પરિસ્થિતિમાં આટલી હિંમત રાખવા અને તેના ભાઈને સુરક્ષિત બચાવવા બદલ તેની પ્રશંસા કરી રહ્યા છે. તસવીરોમાં બાળકીના હાવભાવ પણ ખૂબ જ દયાળુ દેખાઈ રહ્યા છે.