વેઈટ્રેસને યુવકે ખોટી રીતે અડવાનો પ્રયત્ન કરતા તેણે યુવકને જડબાતોડ જવાબ આપ્યો, આ ઘટનાનો વીડિયો વાયરલ થઈ રહ્યો છે.
સોશિયલ મીડિયા પર વીડિયો વાયરલ
વેઈટ્રેસે યુવકને આપ્યો જડબાતોડ જવાબ
યુવકે ખોટી રીતે અડવાનો કર્યો હતો પ્રયત્ન
સોશિયલ મીડિયા પર ઘણીવાર રસપ્રદ વીડિયો વાયરલ થતા હોય છે. જ્યારે વીડિયો અલગ હોય છે ત્યારે લોકો તેને ખૂબ લાઈક અને શેર પણ કરે છે. આવો જ એક વીડિયો સોશિયલ મીડિયા પર ખૂબ વાયરલ થઈ રહ્યો છે, જેમાં રેસ્ટોરન્ટમાં મહિલા વેઈટ્રેસને અયોગ્ય રીતે સ્પર્શ કરવો બે છોકરાઓને ભારે પડ્યો. તેણે વિચાર્યું પણ નહીં હોય કે તેની આ ક્રિયા તેના પર ભારે પડશે. હવે તે ફરીથી આમ કરતા પહેલા હજાર વાર વિચારશે.
વીડિયો જોઈ લોકો રહી ગયા દંગ
ટ્વીટર એકાઉન્ટ @TansuYegenએ આ વીડિયો શેર કર્યો છે. 10 જૂને આ વીડિયોને પોસ્ટ કરવામાં આવ્યો હતો અને અત્યાર સુધી તેને 4.5 મિલિયન લોકોએ જોઈ લીધો છે. જ્યારે 54 હજાર લોકોએ તેને રિટ્વીટ કર્યો છે. ત્યાં જ 215.1K લોકોએ તેને લાઈક્ કર્યો છે. વીડિયોમાં એક વેઈટ્રેસે સેલ્ફ ડિફેન્સ એવી રીતે કર્યું કે લોકો દંગ રહી ગયા.
CCTVના ફૂટેજ વાયરલ
રેસ્ટોરન્ટમાં લાગેલા સીસીટીવી કેમેરામાંથી આ વીડિયો રેકોર્ડ કરવામાં આવ્યો છે. વીડિયોમાં જોઈ શકાય છે કે એક વેઈટ્રેસ બે ગ્રાહકોને ભોજન પીરસવા ટેબલ પર પહોંચે છે. જ્યારે યુવક ઉભો થાય છે અને વેઈટ્રેસની પીઠને સ્પર્શ કરવાનું શરૂ કરે છે ત્યારે તે ટેબલ પર ભોજન પીરસી રહી છે.
વેઈટ્રેસને તેનો ઈરાદો સમજવામાં એક ક્ષણ પણ લાગતી નથી અને પછી તે શું કરે છે તે જોઈને બધા આશ્ચર્યચકિત થઈ ગયા. માર્શલ આર્ટનું અદ્ભુત પ્રદર્શન કરીને તેણે બંને યુવકોને એકસાથે માર મારીને તેમની હાલત ખરાબ કરી નાખી.
લોકો કરી રહ્યા છે વેઈટ્રેસના વખાણ
યુવકોની હાલત જોઈને હસવું આવી જશે. વેઈટ્રેસ એકલા હાથે બંને છોકરાઓની હાલત ખરાબ કરી નાખે છે. એક યુવક તેના બચાવમાં વેઈટ્રેસ પર ખુરશી ફેંકે છે. પરંતુ તેણી તેને એવી રીતે લાત મારે છે કે તે પડી જાય છે. વેઈટ્રેસની માર્શલ આર્ટ જોઈને લોકોએ તેને ફીમેલ બ્રુસ લીનું નામ આપ્યું. લોકો તેના ખૂબ વખાણ કરી રહ્યા છે.