પશ્ચિમ બંગાળના જલપાઈગુડી જિલ્લાના બિન્નાગુડી આર્મી કેમ્પ હોસ્પિટલમાંથી એક વીડિયો વાયરલ થયો છે.
પશ્ચિમ બંગાળમાંથી એક વીડિયો સામે આવ્યો
હોસ્પિટલમાં હાથીઓ ઘુસી ગયા
લોકોએ ફોટો અને વીડિયો પર મજેદાર કમેન્ટ કરી
પશ્ચિમ બંગાળના જલપાઈગુડી જિલ્લાના બિન્નાગુડી આર્મી કેમ્પ હોસ્પિટલમાંથી એક વીડિયો વાયરલ થયો છે. આ વીડિયોમાં હાથી આર્મી કેમ્પની હોસ્પિટલમાં પહોંચી ગયા છે અને તેમણે હોસ્પિટલ પરિસરમાં ચક્કર લગાવતા જોઈ શકાય છે. આપને જણાવી દઈએ કે, ઉત્તર બંગાળના જલપાઈગુડી વિસ્તારમાં હાથીની મોટા પાયે જોવા મળે છે. તથા મોટા ભાગમાં ગામડાઓમાં ઘુસી જવાની ઘટનાઓ પણ સામે આવતી રહે છે. પણ આ વખતે એક-બે નહીં પણ 3-3 હાથી એક સાથે ખેતર કે ગામમાં નહીં પણ આર્મી કેમ્પની હોસ્પિટલમાં ઘુસી આવ્યા હતા. આ હાથીઓનો વીડિયો ખૂબ વાયરલ થઈ રહ્યો છે.
આ હાથીઓને પશ્ચિમ બંગાળના બિન્નાગુરી આર્મી કેમ્પની હોસ્પિટલમાં જોઈ શકાય છે. હાથી હોસ્પિટલ પરિસરમાં ચક્કર લગાવી રહ્યા છે. જો કે, તેમને એ નથી સમજાતું કે હવે ક્યાં જવું જોઈએ.
આઈએફએસ અધિકારી સુશાંત નંદાએ ટ્વિટ કર્યું છે કે, અને કેપ્શનમાં લખ્યું છે કે, કમરે મેં હાથી. જલપાઈગુડી છાવણી સે. ત્યાર બાદ તમાલ સાહાએ વીડિયો ટ્વિટર પર શેર કર્યો છે. તેમાં હાથીઓ હોસ્પિટલમાં ઘુમતા હોવાનું દેખાય છે. સ્વાભાવિક છે કે, હાથી જેટલા મોટા વિશાળ પ્રાણી માટે એટલી જગ્યા તો હોસ્પિટલમાં ન હોય.
બંને હાથીઓના આ પ્રકારના ફોટો અને વીડિયો જોઈને લોકો પણ મજેદાર કમેન્ટ આપી રહ્યા છે. એક યુઝર્સે લખ્યું છે કે, એવું લાગે છે કે, આ હાથી હોસ્પિટલમાં સારવાર કરાવવા માટે આવ્યા છે. જ્યારે અ્ન્ય એક યુઝર્સે લખ્યું છે કે, આપણે તેમના ઘર જંગલને પાડી રહ્યા છીએ એટલા માટે તે આપણે ઘરોમાં હવે રહેશે. તો વળી અમુકે કમેન્ટ કરી છે કે, ટોપ મેનેજમેન્ટ લેબની તપાસ માટે આવ્યા છે. આ ફોટો અને વીડિયો પર સેંકડો લાઈક્સ અને કમેન્ટ આવી રહ્યા છે.