માણસના વેશમાં હેવાન / VIDEO: કૂતરી રડતી રહી, જોરથી એક ડંડો માર્યો ને ગલુડિયાના પ્રાણ નીકળી ગયા, મૃતદેહને પણ ફટકા મારતો રહ્યો શખ્સ

• વ્યક્તિએ નાના ગલુડિયાને ક્રૂરતાથી મારી નાખ્યું 
• સોશિયલ મીડિયા પર એક વીડિયો વાયરલ
• ઘટના  દરમિયાન ગલુડિયાની મા પણ ત્યાં હાજર હતી

મધ્યપ્રદેશના ગ્વાલિયરથી આવી એક ઘટના સામે આવી છે જેને જોઈને તમને દુઃખ પણ થશે અને ગુસ્સો પણ આવશે. જણાવી દઈએ કે સોશિયલ મીડિયા પર એક વીડિયો વાયરલ થઈ રહ્યો છે, જેમાં એક વ્યક્તિ નાના ગલુડિયાને ક્રૂરતાથી મારતો જોવા મળી રહ્યો છે. 

એ વ્યક્તિએ આ મૂંગા પ્રાણીને ત્યાં સુધી માર માર્યો જય સુધી તેનું મૃત્યુ ન થઈ ગયું. વિડીયોમાં જોવા મળે છે એ મુજબ આ ઘટના  દરમિયાન ગલુડિયાની મા પણ ત્યાં હાજર હતી.

હાલ મળતા અહેવાલ મુજબ આ વાયરલ વીડિયો ગ્વાલિયરની શ્રીરામ કોલોનીનો  છે એવું કહેવામાં આવી રહ્યું છે, વિડીયોમાં દેખાતો વીરેન્દ્ર ઝા નામના વ્યક્તિએ ગલુડિયાને લાકડી વડે માર માર્યો અને મર્યા પછી પણ મારતો રહ્યો. એ દરમિયાન ગલૂડિયાની મા દૂર લાચાર બનીને ઊભી જોતી રહી. જણાવી દઈએ કે ઘરના ટેરેસ પર ઉભેલી એક મહિલાએ આ ઘટના મોબાઈલમાં રેકોર્ડ કરી હતી. 

દ્રશ્ય ખૂબ જ ભયાનક છે, તમને વિચલિત કરી શકે છે

मामला मध्य प्रदेश के ग्वालियर का है.

मां चिल्ली रही है.

हैवान ने बच्चे को लाठी से पीट कर मार डाला. pic.twitter.com/93KJnsa0vt

— Azam Malik (@Azam_iimc) March 25, 2023

રિપોર્ટ અનુસાર ફરિયાદના આધારે પોલીસે આ વ્યક્તિ વિરુદ્ધ FIR નોંધી છે. પોલીસે આરોપીઓ સામે કલમ 429 અને પ્રિવેન્શન ઓફ ક્રુઅલ્ટી ટુ એનિમલ્સ એક્ટ હેઠળ કેસ નોંધ્યો છે અને ત્યારથી જ આરોપી વીરેન્દ્ર ફરાર છે. હાલ પોલીસ તેને શોધી રહી છે. 

આઈપીસીની કલમ 429 મુજબ કોઈપણ પ્રાણીને મારવા અથવા તેને અપંગ કરવા પર 5 વર્ષ સુધીની જેલ થઈ શકે છે. આ સાથે દંડની પણ જોગવાઈ છે.