VIDEO: 'બેટી બચાવો' અભિયાનનું ઉત્તમ ઉદાહરણ સુરતની ધરતી પર જોવા મળ્યું  

કોઈ ખાનગી વ્યાવસાયિક ગૃહ જ્યારે બદલાવની નેમ લે છે ત્યારે તેના કેવા ઉત્તમ પરિણામો સમાજમાં જોવા મળે છે તે સુરતની ધરતી પર જોવા મળ્યું. સુરત ખાતે બેટી બચાવો અભિયાનની સફળતાને બિરદાવવાનો અવસર હતો. કિરણ હોસ્પિટલ દ્વારા મિશન હેલ્થ કેર કાર્યક્રમનું આયોજન કરવામાં આવ્યું હતું. જે અંતર્ગત દિકરીને 1 લાખથી 5 લાખ સુધીના કિરણ સુકન્યા બોન્ડનું અર્પણ કરાયા અને સમાજમાં પરિવર્તનના નવા કિરણ ફેલાવ્યા. જોઈએ હોસ્પિટલ થકી સમાજ સેવાના નવતર અભિગમનો આ અહેવાલ  

આજથી સત્તર મહિના પહેલા કિરણ હોસ્પિટલના ઓપશનગ સેરેમની વખતે બેટી બચાવો અભિયાનના પ્રોહત્સાહનના ભાગરૂપે જાહેરાત કરવામાં આવી હતી કે કિરણ હોસ્પિટલના ગાયનેક વિભાગમાં માતાની કૂખે દીકરી જન્મે તેની પ્રસૂતિનો ચાર્જ લેવામાં આવશે નહી.
 આ ઉપરાંત જે માતા બીજી દીકરીનો જન્મ આપે છે તે દીકરીને રૂ. 1 લાખના કિરણ સુકન્યા બોન્ડ આપવામાં આવશે અને જે માતાની કૂખે બીજી દીકરીના જન્મ પછી દિકરી-દિકરાને સમાન દ્રષ્ટીથી ગણીને જેણે સંતતિ નિયમનનું ઓપરેશન કરાવ્યું છે તેવી દીકરીને રૂ .5 લાખના કિરણ સુકન્યા બોન્ડ આપવામાં આવશે આ વચન બદ્ધતાને પૂર્ણ કરવાનો પ્રસંગ હતો તો જેમાં કિરણ હોસ્પિટલ તરફથી દીકરીના માતા-પિતાને સુકન્યા બોન્ડ અપર્ણ કરવામાં આવ્યા હતા.

આ કાર્યક્રમમાં 300 જેટલા પરિવારને બે દીકરીના જન્મ બાદના એક લાખ રૂપિયાના બોન્ડ અર્પણ કરવામાં આવ્યા હતા. તેમજ 9 જેટલાં પરિવારો એવા હતા જેમણે બે દિકરીના જન્મ બાદ સંતતિ નિયમન ઓપરેશન કરાવી બાળકને જન્મ નહીં આપવાનો નિર્ણય લેતા પાંચ લાખના બોન્ડ અર્પણ કરવામાં આવ્યા હતા.

આ ઉપરાંત મિશન હેલ્થ કેર કાર્યક્રમમાં કિરણ હોસ્પિટલના નિષ્ણાત અને અનુભવી ડોકટરો દ્વારા વિવિધ રોગો વિશે આરોગ્યલક્ષી માર્ગદર્શન આપવામાં આવ્યું હતું. સાથે જ કાર્યક્રમમાં રૂપિયા 1 હજાર થી 25 હજાર સુધીના હેલ્થ ચેકઅપ પેકેજ પર 50%ના ડિસ્કાઉન્ટ કૂપનનું વિતરણ કરવામાં આવ્યું હતું. કિરણ હોસ્પિટલના આ પગલાંથી દીકરીઓના માતા પિતાઓ ખુશીની લાગણી અનુભવી રહ્યા છે.




માત્ર એટલું જ નહીં વર્ષોથી તાપી મૈયામાં વિસર્જન થતી ગણેશ પ્રતિમાઓને કૃત્રિમ તળાવોમાં વિસર્જન કરીને સુરતના ગણેશ મંડળોએ નવો ઇતિહાસ રચ્યો છે. ત્યારે તાપી શુદ્ધિકરણ અને પર્યાવરણ જાળવણી અભિયાનને આગળ ધપાવનારા ગણેશ મંડળોને મિશન હેલ્થ કેર કાર્યક્રમમાં સન્માનપત્ર આપી સન્માનિત કરવામાં આવ્યાં હતાં. 

આ ઉપરાંત લકકી ડ્રો દ્વારા વિજેતા એવા 100 ગણેશ મંડળોને સન્માનપત્રની સાથે મંડળ દીઠ રા.11 000નો ચેક અપર્ણ કરવામાં આવ્યો હતો. કિરણ હોસ્પિટલ દ્વારા આરોગ્ય અને પર્યાવરણ  જાળવણી માટે સમાજમાં અનેરૂ યોગદાન આપવામાં આવી રહ્યુ છે. 

એક ખાનગી ગૃહ દ્વારા બેટી બચાઓ અભિયાન અને સ્વચ્છતા અભિયાનને વેગ આપવા માટે કરવામાં આવેલી આ પહેલને ચારે તરફથી પ્રશંસા થઈ  રહી છે. ગુજરાત મહારાષ્ટ્ર રાજસ્થાન મધ્ય પ્રદેશ અન્ય રાજ્યો તેમજ વિદેશનાં દર્દીઓએ પ્રથમ વર્ષે જ 3.5 લાખથી વધારે લોકોએ કિરણ હોસ્પિટલની સેવાનો લાભ લીધો છે.