બહુ કરી / VIDEO: મફતનો માલ લેવા જીવ જોખમમાં મુક્યો, ટેન્કર ઊંધુ પડતા લોકો ડબલા લઈને દોડ્યા પેટ્રોલ લેવા

• હજારો લીટર પેટ્રોલથી ભરાયેલ ટેન્કર પલટી ગયું 
• આસપાસના લોકોએ વાસણોમાં પેટ્રોલ જમા કરવાનું શરૂ કર્યું
• વિડીયો થયો વાયરલ 

હાલ દરરોજ સોશ્યલ મીડિયા પર વિવિધ પ્રકારના વીડિયો વાયરલ થતા રહે છે. અમુક વિડીયો તમને હસાવે છે તો અમુક વિડીયો તમને વિચારવા પર મજબૂર કરી દે છે. એવામાં આવી જ વધુ એક વીડિયો સામે આવ્યો છે. ઉત્તર પ્રદેશના અલીગઢમાં સોમવારે સાંજે એક ટેન્કર ખાડામાં પડી ગયું હતું. જણાવી દઈએ કે એ ટેન્કર હજારો લીટર પેટ્રોલ ભરાયું હતું અને એ ટેન્કર ખાડામાં પડી ગયું હતું.  આ ઘટના પછીનો એક વીડિયો સામે આવ્યો છે. એ વિડીયોમાં જોવા મળતા મુજબ ટેન્કર પલટી જતાં ત્યાં આસપાસના લોકોએ વાસણોમાં પેટ્રોલ જમા કરવાનું શરૂ કર્યું હતું. 

વીડિયોમાં જોઈ શકાય છે કે કોઈ મોટી ઘટના બની શકે એવા જોખમ વચ્ચે લોકો પેટ્રોલની લૂંટ ચલાવી રહ્યા છે. આ ઘટનો વિડીયો હાલ સોશ્યલ મીડિયા પર ઘણો વાયરલ થઈ રહ્યો છે. જણાવી દઈએ જે પોલીસે ટ્રકને બહાર કાઢી પોલીસ સ્ટેશનમાં જમા કરાવ્યો હતો. 

#अजब_गजब. अलीगढ़ मे इगलास इलाके के मंडी के पास एक पेट्रोल से भरा टैंकर पलट गया, हादसा होते ही क्षेत्रीय लोगो मे गड्ढे में भरा पेट्रोल लूटने की होड़ लग गई .! #aligarh #petrolloot #viral #news pic.twitter.com/XhQtZMXrTp

— INDIAN PRIME NEWS (IPN24X7) (@IPNNewsIndia) October 16, 2022

આ વાત સાચી છે કે દેશમાં પેટ્રોલની વધતી કિંમતોને કારણે લોકો ખૂબ જ પરેશાન છે પણ ખુલ્લામાં અથવા કોઈ પણ આ સુરક્ષિત વાસણમાં પેટ્રોલનો સંગ્રહ કરવો જોખમી સાબિત થઈ શકે છે. આવો કિસ્સો પહેલા પણ બન્યો હતો. ગયા વર્ષે મધ્યપ્રદેશના શિવપુરી જિલ્લામાં પેટ્રોલ ભરેલું એક ટેન્કર પલટી ગયું હતું અને એ સમયે પણ આવી જ ઘટના બની હતી. એ સમયે પણ મોટી સંખ્યામાં લોકોએ ડબ્બા, જાર અને પોલીથીન અને વાસણમાં ભરીને પેટ્રોલની લૂંટ ચલાવી હતી.