મહારાષ્ટ્રમાં દહીંહાંડીની ઉજવણીમાં સ્ટેજ તૂટી પડતા દોડધામ કોઇ જાનહાની નહીં

મુંબઇ: મહારાષ્ટ્રના પૂણેમાં જન્માષ્ટમીની ભારે ઉજવણી ચાલી રહી હતી. ઉજવણી દરમિયાન અહીં એક સ્ટેજ પણ બાંધવામાં આવ્યું હતો. ત્યારે ઉજવણીમાં મસ્ત બનેલા લોકો મોટી સંખ્યામાં સ્ટેજ પર ચઢી આવ્યા. બસ પછી શું થોડી જ ક્ષણોમાં આ સ્ટેજ કડડભૂસ થયો અને સ્ટેજ પરના તમામ લોકો સ્ટેજની સાથે જમીન દોસ્ત થયા. 

આ ઘટનાના પૂણેના બુધવારપેટનો છે અને હાલ આ વીડિયો સોશ્યલ મીડિયામાં ખૂબ જ વાયરલ થયો છે. વાયરલ થયેલા વિડીયોના દ્રશ્યોમાં સ્પષ્ટ જોઇ શકાય છે કે પૂણેના બુધવાર પેટમાં જન્માષ્ટમી નિમિત્તે દહીહાંડીનો કાર્યક્રમ યોજાયો હતો. આ ઉજવણી દરમિયાન આ અકસ્માત સર્જયો હતો.  



આપને જણાવી દઇએ કે દહીં-હાંડી ઉત્સવ મુંબઇમાં સૌથી વધુ ઉત્સાહભેર ઉજવાય છે. ત્યારે ગતરોજ પૂણે ખાતે યોજાયેલ હાંડી ઉત્સવના એક કાર્યક્રમમાં લોકો એક સાથે મોટી સંખ્યામાં ચઢી જતાં અચાનક સ્ટેજ તૂટી પડ્યું હતું. જો કે આ દુર્ઘટનામાં કોઇ મોટી જાનહાની થઇ નહોંતી.