ચાહકો તેના પસંદિતા સ્ટારને જોઈને એટલા ઉત્સાહિત થઈ જાય છે કે તેનો જુસ્સો જોઈને સેલિબ્રિટી ડરી જાય. હાલ એક વિડીયો સોશ્યલ મીડિયા પર કરીના કપૂર ખાનનો એવો વાયરલ થયો.
કરીના કપૂર ખાનનો એક વિડીયો વાયરલ થઈ રહ્યો છે
કરીના કપૂરને જોઈને લોકો સેલ્ફી ખેંચાવવા આતુર બન્યા
કોઈ કરીનાનો હાથ ખેંચી રહ્યું છે અને કોઈ તેની સાથે અથડાઈ રહ્યું છે
દરેક ચાહકો તેના પસંદિતા સેલેબ્સની એક ઝલક મેળવવા માટે આતુર રહે છે અને જ્યારે પણ આવી તક આવે ત્યારે લોકો પોતાના ફેવરિટ સ્ટાર સાથેની તસવીર ખેંચવાનું ભૂલતા નથી. પણ ક્યારેક ચાહકો તેના પસંદિતા સ્ટારને જોઈને એટલા ઉત્સાહિત થઈ જાય છે કે તેનો જુસ્સો જોઈને સેલિબ્રિટી ડરી જાય. હાલ એક વિડીયો સોશ્યલ મીડિયા પર વાયરલ થઈ રહ્યો છે, જેમાં કરીના કપૂર ખાન પણ આવી જ એક ઘટનાનો સામનો કરતી નજર આવે છે.
કરીના કપૂરના ફેન્સે તેને ઘેરી
કરીના કપૂર ખાન હાલમાં જ મુંબઈ એરપોર્ટ પર જોવા મળી અને એ સમયનો તેનો એક વીડિયો સોશિયલ મીડિયા પર વાયરલ થયો છે. આ સમયે કરીના કપૂર એકલી કારમાંથી નીચે ઉતરીને પોતાની ફ્લાઈટ પકડવા એરપોર્ટ જઈ રહી હતી અને એ સમયે ત્યાં હાજર તેમના ચાહકોએ તેને ઓળખી લીધી અને તેણી સાથે તસવીરો ક્લિક કરવા અને તેમની સાથે સેલ્ફી માટે ભીડ એકઠી થઈ ગઈ અને અંતે તેના ફેન્સે તેને ઘેરી લીધી હતી.
લોકો એ કર્યું આવું વર્તન
આ વાયરલ વીડિયોમાં જોઈ શકાય છે કે ભીડ એટલી બેકાબૂ બની ગઈ હતી અને કરીના કપૂરને એકલી જોતાં લોકો તેણી સાથે સેલ્ફી લેવા માટે ઉતાવળા બન્યા હતા. એ સમયે કોઈ કરીનાનો હાથ ખેંચી રહ્યું છે અને કોઈ તેની સાથે અથડાઈ રહ્યું છે અને એવી ભીડમાં કોઈએ તેનું પર્સ પણ ખેંચી રહ્યું છે. કરીનાના આ વાયરલ વીડિયોમાં દેખાઈ છે કે લોકોની આવી હરકતો જોઈને એક સમયે તે ડરી ગઇ હતી પરંતુ ભીડ વચ્ચે ફસાયેલી કરીનાએ ધીરજ જાળવી રાખી હતી. આ બધું હોવા છતાં કરીનાએ ચાહકોને નિરાશ ન કર્યા અને લોકો સાથે સેલ્ફી ખેંચાવી હતી.