વીડિયો જોઈને ચેતજો / VIDEO : કોબરાની ફેણ પર માસૂમે રાખ્યો પગ, આંખના પલકારામાં માતાએ આવી રીતે બચાવી લીધો જીવ

• કર્ણાટકના માંડ્યામાં માતાની બહાદુરી સામે આવી 
• સ્કૂલે જઈ રહેલા બાળકનો પગ અચાનક કોબરા પર પડ્યો
• ગુસ્સે થયેલા કોબરાએ ડંખ મારવા ફેણ ઉપાડી
• પણ આંખના પલકારામાં માતાએ બાળકને તેડીને હટાવી લીધો 

માતાની છઠ્ઠી ઈન્દ્રીય ખૂબ જાગૃત હોય છે અને ચપળતા અને સમયસૂચકતાની તો વાત જ શું કરવી. કર્ણાટકના માંડ્યા જિલ્લામાં માતાની બહાદુરી છતી કરતી આવી જ એક ઘટના બની છે. સોશિયલ મીડિયા પર માતા દ્વારા અણીના સમયે બાળકના જીવ બચાવવાનો એક ચોંકાવનારો પણ ચેતવણીજનક વીડિયો વાયરલ થયો છે. 

Her presence of mind saved the kid..
Mother ❤️
But be safe all, this is an eye opener to all pic.twitter.com/tPm6WbGc8g

— Anu Satheesh 🇮🇳 (@AnuSatheesh5) August 12, 2022

અજાણતા છોકરાનો પગ કોબરા પર પડ્યો, ફેણ મારે તે પહેલા તો માતાએ હટાવી લીધો 
કર્ણાટકના માંડ્યા જિલ્લામાં બનેલી આ ઘટનામાં એક મહિલા સ્કૂલ મૂકવા જવા માટે નાના છોકરાને લઈને બહાર નીકળે છે. ઘરની બહાર એક મોટો ઝેરી કોબરા પડ્યો હોય છે જોકે મહિલા કે છોકરાને તેની ખબર નથી. તેઓ તો તેમની ધૂનમાં બહાર આવે છે. હવે આ દરમિયાન અચાનક છોકરાનો પગ કોબરાની ફેણ પર પડી જાય છે આથી કોબરો ગુસ્સે થઈને તેને ડંખ મારવા ફેણ ઉપાડે છે પરંતું હવે માતાને આ વાતની ખબર પડી ગઈ અને તેણે આંખના પલકારમાં બાળકને તેડીને ખસેડી લીધો અને ડંખ મારવાની કોબરાની ઈચ્છા ઘૂળમાં મળી ગઈ. જો મહિલા થોડી પણ મોડી પડી હોત તો કોબરાએ બાળકને ડંખ મારી દીધો હોત તે નક્કી હતું. પરંતુ માતાની સમયસૂચકતાએ બાળકનો જીવ બચાવી લીધો હતો. 

A bone-chilling moment!

A little boy in #Karnataka’s #Mandya town had a #miraculous #escape when he was #saved by his mother from a scared #Cobra in front of their house. #snake #kid #lucky @TOIBengaluru @NammaBengaluroo @WFRising @NammaKarnataka_ @PavanWadeyar @BLRrocKS pic.twitter.com/EbphQCdAsT

— Rakesh Prakash (@rakeshprakash1) August 13, 2022

આ ઘટનાનો વીડિયો સોશિયલ મીડિયા પર વાયરલ થયો
આ ઘટનાનો એક વીડિયો સોશિયલ મીડિયા પર વાયરલ થયો છે. વાયરલ વીડિયો જોયા બાદ લોકો તેના ખૂબ વખાણ કરી રહ્યાં છે. પરંતુ સાથે એક ચેતવણીરુપ પણ છે. ચોમાસાની સિઝનમાં વધારે સાવધાની રાખવાની પણ આ વીડિયો શીખામણ આપે છે.