દેશમાં કોરોના વાયરસના કેસ સતત વધી રહ્યાં છે. મહારાષ્ટ્ર રાજ્ય સંક્રમિત મામલામાં સૌથી ટોચ પર છે. મહારાષ્ટ્રમાં સૌથી વધારે કોરોના પોઝિટિવ કેસ મુંબઇમાં છે. મુંબઇની ભયાનક સ્થિતિ હોવા છતા ત્યાં લાપરવાહી ઓછું થવાની નામ લઇ રહી નથી. મુંબઇની સાયન હોસ્પિટલમાં એક ચોંકાવનારો વીડિયો વાયરલ થયો છે. આ વીડિયોમાં દર્દીઓની વચ્ચે વોર્ડમાં મૃતદેહ રાખવામાં આવ્યાં છે.
મુંબઇની સાયન હોસ્પિટલની સામે આવી બેદરકારી
દર્દીઓની વચ્ચે રાખવામાં આવ્યાં મૃતદેહો
હોસ્પિટલે પહેલા ખોટો વીડિયો કહ્યું, હવે સ્વીકારી આ વાત
દેશની સરખામણીએ મહારાષ્ટ્ર એકલામાં 17 હજાર જેટલા કોરોના મામલા કેસ આવી ચૂક્યાં છે અને 651 લોકોના મોત થયા છે. વાયરલ વીડિયોમાં જોવા મળી રહ્યું છે કે હોસ્પિટલના વોર્ડમાં ઘણા દર્દીઓ બેડ પર સુતા છે. દર્દીઓની વચ્ચે કાળી પ્લાસિટક બેગમાં કોરોના પોઝિટિવ દર્દીનો મૃતદેહ વોર્ડના બેડ પર રાખવામાં આવ્યો છે. કેટલાંક મૃતદેહોને કપડાથી તો કેટલાંકને ઓઢવાના બ્લેંકેટથી ઢાકી દેવામાં આવ્યાં છે. એક મળતી જાણકારી મુજબ આ વોર્ડમાં ઘણા દર્દીઓની વચ્ચે આવા મૃતદેહ પડ્યાં હતા.
ડીને કરી સ્પષ્ટતા
વીડિયો વાયરલ થઇ ગયા બાદ સોશિયલ મીડિયા પર લાપરવાહીને લઇને લોકોની પ્રતિક્રિયા આવી રહી છે. ભાજપના નેતા નીતિશ રાણે પણ વીડિયો ટવિટ કર્યો છે. જેમાં લખ્યું છે કે સાયન હોસ્પિટલમાં મૃતદેહની સાથે દર્દીઓ પણ સુતા છે. આ તંત્રની ઘોર બેદરકારી છે. ઘણી શરમજનક વાત કહેવાય. આ મામલે હોસ્પિટલના ડીને સ્વીકાર્યું કે આ વીડિયો તેમની હોસ્પિટલનો છે. સંબંધીઓ તેમના પરિવારજનનો મૃતદેહ લેવા આવી રહ્યાં નથી જેના કારણે ત્યાં રાખવામાં આવ્યાં છે.
ભાજપના નેતાએ ઉઠાવ્યાં સવાલ
ડીનના જવાબ બાદ ભાજપ નેતા નીતિશ રાણેએ કહ્યું કે આ જવાબ બાદ મુંબઇના લોકો BMC પાસેથી શું આશા રાખી શકે છે? ખાનગી હોસ્પિટલ દર્દીઓની ભરતી કરી રહી નથી અને સરકારી હોસ્પિટલોમાં આવી પરિસ્થિતિ છે. શું આ મેડિકલ ઇમરજન્સી છે.
In Sion hospital..patients r sleeping next to dead bodies!!!
This is the extreme..what kind of administration is this!
Very very shameful!! @mybmcpic.twitter.com/NZmuiUMfSW
નીતિશ રાણેએ કહ્યું કે પહેલા તો સાયન હોસ્પિટલે આ વીડિયો ખોટો હોવાનું જણાવ્યું હતું. હવે હોસ્પિટલના તંત્રએ સ્વીકાર્યું કે આ વીડિયો તેમની હોસ્પિટલનો છે. તેઓનું આ નિવેદન મુંબઇની જનતાને ચોંકાવી દે તેવું છે. મ્યુનિસિપલ કમિશ્નર જો આ બધુ રોકી ના શકે અને સ્થિતિ નિયંત્રણ ન કરી શકે તો તેણે રાજીનામું આપી દેવું જોઇએ.