ભારતીય કેપ્ટન રોહિત શર્મા દુબઈમાં એશિયા કપની તૈયારી કરી રહ્યો છે. પ્રેક્ટિસ પછી પાકિસ્તાની ફેન્સે તેને મળવા માટે અવાજ લગાવી હતી જે પછી રોહિત બહાર આવીને તેને મળ્યા પણ હતા.
ભારતીય ટીમ રવિવારે તેનો પહેલો મેચ પાકિસ્તાન સામે રમશે
કેપ્ટન રોહિત શર્માએ ફરી એક વખત દરેક લોકોનું દિલ જીતી લીધું
લોકો રોહિતના વાયરલ થયેલ વિડીયોને ઘણો પસંદ કરી રહ્યા છે.
એશિયા કપ શરૂ થવામાં હવે થોડી કલાકો જ બાકી છે એવામાં ભારતીય ટીમ રવિવારે તેનો પહેલો મેચ પાકિસ્તાન સામે રમશે. બંને ટીમ એ મેચને લઈને તૈયારી કરી રહી છે. રીમ ઈન્ડિયાના કેપ્ટન રોહિત શર્મા પણ પૂરી મહેનત સાથે જીતવા માટે તૈયારી રહી રહ્યા છે. રોહિતની કપ્તાનીમાં ભારતે 2018માં એશિયા કપ જીત્યો હતો. હવે ફરી એકવાર તે ટીમને ચેમ્પિયન બનાવવાના ઈરાદા સાથે મેદાન પર ઉતરશે.
પાકિસ્તાની લોકો પણ રોહિતના ફેન
ભારતીય ટીમના કેપ્ટન રોહિત શર્માએ ફરી એક વખત દરેક લોકોનું દિલ જીતી લીધું છે. હાલ તેની એક વિડીયો સોશ્યલ મીડિયા પર ખૂબ ઝડપથી વાયરલ થઈ રહ્યો છે. આ વીડિયોમાં પ્રેક્ટિસ પછી પાકિસ્તાની ફેન્સે રોહિતને મળવા માટે અવાજ લગાવી હતી એ પછી તુરંત જ ભારતીય ટીમના કેપ્ટન રોહિત તેને મળવા મેદાનની બહાર પહોંચી જાય છે. રોહિત શર્મા તેના ચાહકો સાથે હાથ મિલાવે છે અને એવામાં એક ફેન તેને ગળે લગાવવાનો આગ્રહ કરતો હતો પણ એ શક્ય નહતું લાગતું પણ આ પછી રોહિતે તે ફેનની ઈચ્છા પૂરી કરી હતી.
ઈચ્છા પૂરી કરી
રોહિતને મળનાર પાકિસ્તાની ચાહકનું એમ પણ કહેવું હતું કે તે 10 વર્ષથી રોહિતને મળવા માંગતો હતો. આજે તેનું એ સપનું પણ પૂરું થઈ ગયું. લોકો રોહિતના વાયરલ થયેલ વિડીયોને ઘણો પસંદ કરી રહ્યા છે.
રોહિતની કેપ્ટનશીપમાં ટીમ અલગ રીતે રમશે
જ્યારથી રોહિત શર્માના કેપ્ટન બન્યા છે ત્યાર થી જ ભારતીય ટીમે T20 ક્રિકેટમાં તેની રમવાની રીત બદલી નાખી છે. હવે બેટ્સમેનો પ્રથમ બોલથી જ અટેક કરીને રમે છે. કોઈપણ ખેલાડી પીચ પર સેટ થવાનો પ્રયાસ કરતો નથી. અને આમ કરવાથી ટીમ ઈન્ડિયા એ ઘણી જીત પણ મેળવી છે. એશિયા કપમાં ભારત પાકિસ્તાન, બાંગ્લાદેશ, અફઘાનિસ્તાન અને શ્રીલંકા જેવી ટીમો સાથે મેચ રમશે. તમને જણાવી દઈએ કે છેલ્લા બે એશિયા કપમાં ભારત લગાતાર જીતતી આવી છે આ એશિયા કપ પણ જીતશે એવી ચાહકો આશા લગાવીને બેઠા છે.