VIDEO / ભંગાર શૉટ રમીને વિકેટ ફેંકી આવ્યો પંત, ડ્રેસિંગ રૂમમાં કેપ્ટન રોહિતે લીધી બરબરની ક્લાસ

• પાકિસ્તાને ભારતને રસાકસીવાળા મેચમાં 5 વિકેટથી હરાવ્યું હતું
• ખોટો શૉટ રમીને પંત થયો આઉટ 
• પંતના ખોટ શૉટ પર રોહિત શર્મા થયો ગુસ્સે 

એશિયા કપ 2022 સુપર-4 રાઉન્ડની મેચમાં ગઇકાલે ભારત અને પાકિસ્તાનની ટીમ આમને-સામને હતી. આ મેચમાં પાકિસ્તાનના કેપ્ટન બાબર આઝમે ટોસ જીતીને પહેલા ફિલ્ડિંગ કરવાનો નિર્ણય કર્યો હતો. જણાવી દઈએ કે ગઇકાલે પાકિસ્તાને ભારતને રસાકસીવાળા મેચમાં 5 વિકેટથી હરાવ્યું હતું. ટીમ ઈન્ડિયાએ પહેલા બેટિંગ કરતા પાકિસ્તાન સામે 182 રનનો ટાર્ગેટ આપ્યો હતો. પાકિસ્તાનની ટીમે ઓપનર મોહમ્મદ રિઝવાન ને 71 રન અને ઓલરાઉન્ડર મોહમ્મદ નવાઝ 42 રન બનાવીને ભારતીય ટીમ માટે હારનું કારણ બન્યા હતા.

પંત થયો કેચ આઉટ 
મેચમાં ભારતની બેટિંગ દરમિયાન એક સમયે એવું લાગી રહ્યું હતું કે ભારતીય ટીમ સહેલાઈથી 200 રન બનાવી લેશે પણ મિડલ ઓર્ડરમાં કેટલાક ખેલાડીઓના વહેલા આઉટ થવાના કારણે ભારતીય ટીમ 181 રનના સ્કોર સુધી જ પહોંચી શકી હતી. ગઈકાલે ટીમ ઈન્ડિયામાં અનુભવી બેટ્સમેન દિનેશ કાર્તિકની જગ્યાએ ઋષભ પંતને પ્લેઈંગ ઈલેવનમાં સામેલ કરવામાં આવ્યો હતો. લોકોને ઋષભ પંત પાસેથી ઘણી આશાઓ હતી પરંતુ તેના ખોટા શોટ રમવાને કારણે તેઓ જલ્દી આઉટ થઈ ગયા હતા.પાકિસ્તાન ટીમના સ્પિનર શાદાબ ખાનની બોલ પર રિવર્સ સ્વીપ મારવાના પ્રયાસમાં પંત કેચ આઉટ થઈ ગયા હતા. 

#Rishabhpant is out , he seems always in hurry, bad shot on a good delivery, he doesn’t look easy planning that shot. #viratkohli and #HardikPandya on crease, all eyes on them now. India at 128/4 in 14.1 overs.#INDvsPAK2022 #INDvsPAK #AsiaCupT20 #AsiaCup2022 pic.twitter.com/C5GcE7DGPD

— Sagar Lama (@BikeMyBuddy) September 4, 2022

પંતના ખોટ શૉટ પર રોહિત શર્મા થયો ગુસ્સે 
કેપ્ટન રોહિત શર્મા પણ પંતના આવા શોટથી ઘણો ગુસ્સે જોવા મળ્યો હતો. જો કે એ પછી રોહિત શર્મા ડ્રેસિંગ રૂમમાં પંતને સમજાવતો જોવા મળ્યો હતો. આ પહેલીવાર નથી જ્યારે પંત મેદાનમાં સેટ થયા પછી આવા ખોટા શોટ રમીને આઉટ થયો હોય. ગઈ કાલે ટીમ માટે પાંચમા ક્રમ પર બેટિંગ કરતાં સમયે પંતે 12 બોલમાં બે ચોગ્ગાની મદદથી 14 રનનું યોગદાન આપ્યું હતું.

All The Best @RishabhPant17 🥺🥺#RohitSharma #RishabPant #INDvsPAK pic.twitter.com/LwDu5sqInF

— 𝓒𝓱𝓲𝓴𝓾 (@Chiku2324) September 4, 2022

પાકિસ્તાનને આ રીતે મળી જીત 
182 રનોના ટાર્ગેટનો પીછો કરતા પાકિસ્તાને બાબરની વિકેટને જલ્દી ગુમાવી દીધી હતી પરંતુ રિઝવાન પૂરા જોશમાં હતો. તેમણે ફખર જમાનની સાથે 41 રન જોડીને ઇનિંગ સંભાળી હતી. જોકે જમાન આખી ઇનિંગ દરમિયાન સંઘર્ષ કરતા જોવા મળ્યો હતો. જમાનના આઉટ થયા બાદ પાકિસ્તાને મોહમ્મદ નવાઝને બેટિંગ માટે મોકલ્યા મેચનો ટર્નિંગ પોઇન્ટ સાબિત થયું હતું. અંતે છેલ્લી ઓવર સુધી જકડી રાખેલ આ મેચ પાકિસ્તાન 5 વિકેટથી જીતી હતી.