મહારાષ્ટ્રનાં યવતમાલમાં શનિવારે એક અંડરગ્રાઉન્ડ પાઈપલાઈન તૂટી ગઈ. પાણીનાં પ્રેશરથી રોડ પણ ફાટી ગયો. એક વાહન સવાર ઘાયલ થઈ છે. જુઓ વીડિયો
મહારાષ્ટ્રમાં રોડ એકાએક તૂટ્યો
પાણીનું પ્રેશર વધવાને લીધે ફાટ્યો રોડ
એક વાહન ચાલક મહિલા ઘાયલ
મહારાષ્ટ્રનાં યવતમાલમાં એક ચોંકાવનારો બનાવ સામે આવ્યો છે. શનિવારે આ વિસ્તારમાં એક અન્ડર ગ્રાઉન્ડ પાઈપલાઈન ફૂટી ગઈ. પાણીનું પ્રેશર એટલું વધારે હતું કે રોડનાં ટૂકડાં પાણીની સાથે 15 ફૂટ ઉપર સુધી ઊછળ્યાં. આ દુર્ઘટનામાં એક વાહન ચાલક મહિલા ઘાયલ થઈ છે.
સમગ્ર ઘટના CCTVમાં કેદ
આ ઘટના મિંડે રોડ ચોક પર થઈ. આ દરમિયાન રોડથી પસાર થઈ રહેલી સ્કૂટર સવાર એક મહિલા ઘાયલ થઈ ગઈ છે. આ સમગ્ર ઘટના CCTVમાં કેદ થઈ છે. વીડિયો જોઈને તમે પણ ચોંકી જશો.
રોડ ફાટવાનો અવાજ પણ ભયાનક
ઘટનાનાં સાક્ષી પૂજા બિસ્વાસે જણાવ્યું કે હું ફોન પર વાત કરી રહી હતી ત્યારે મેં જોયું કે પાણીનાં પ્રેશરથી અંડરગ્રાઉન્ડ પાઈપલાઈન ફાટી ગઈ છે અને ચારેય તરફ પાણી ભરાઈ ગયું છે.
સોશિયલ મીડિયા પર વાયરલ વીડિયોમાં રોડ તૂટવાનો અવાજ પણ રેકોર્ડ થયો છે. પ્રેશરનાં કારણે પહેલાં રોડમાં તિરાડો પડી અને કેટલીક સેકેન્ડમાં જ પાણી ફુંવારાની સાથે રોડથી બહાર નિકળી આવ્યું. અંડરગ્રાઉન્ડ પાઈપલાઈન ફુટવાનો અવાજ પણ ભયાનક હતો.
#WATCH | Road cracked open after an underground pipeline burst in Yavatmal, Maharashtra earlier today. The incident was captured on CCTV. A woman riding on scooty was injured. pic.twitter.com/8tl86xgFhc
અમૃત યોજના અંતર્ગત નાખવામાં આવી હતી પાઈપલાઈન
યવતમાલમાં અમૃત યોજનાનાં અંતર્ગત રોડમાં ખોદકામ કરીને પાઈપલાઈન નાખવામાં આવી હતી પરંતુ પાણીનું દબાણ વધવાને લીધે પાઈપલાઈન ફાટી ગઈ હતી. પછી આ પાણી રોડ ફાળીને બહાર પ્રેશરની સાથે નિકળી આવ્યું. વિદર્ભ હાઉસિંગ સોસાયટીનાં લોકોનો આરોપ છે કે અમૃત યોજનાનાં કામમાં ઘોટાળો થવાને લીધે આવી ઘટના સામે આવી છે.