રાજ્યના ગૃહમંત્રી હર્ષ સંઘવીએ આજે રાજકોટની મુલાકાત લીધી હતી. આ તકે સર્કિટ હાઉસ ખાતે તેમનું સ્વાગત કરવામાં આવ્યું હતું.
રાજકોટમાં હર્ષ સંઘવીની ધારાસભ્યને ટકોર
સંઘવીએ પૂછ્યું ગોવિંદભાઈ ક્યાં છે પાછળ ઉભા છે?
કેમ પાછળ ઉભા હું બધાને આગળ કરું છું- સંઘવી
ગૃહરાજ્યમંત્રી હર્ષ સંઘવીએ આજે મોરબીની મુલાકાત લીધી હતી ત્યારબાદ તેઓ સીધા મોરબીથી રાજકોટ ગયા હતા. જ્યાં હર્ષ સંઘવીના સ્વાગતમાં રાજકોટ ભાજપના નેતાઓ અને કાર્યકરો મોટી સંખ્યામાં ઉપસ્થિત રહ્યા હતા. આ દરમિયાન ધારાસભ્ય ગોવિંદ પટેલને રમૂજ સાથે ટકોર કરી હતી. જ્યાં હર્ષ સંઘવીએ રાજકોટમાં સ્વાગત સમયે ધારાસભ્ય ગોવિંદભાઈ પટેલ વિશે પૂછતાછ કરી હતી. સ્વાગત માટે ગોવિંદ પટેલ ત્રીજી હરોળમાં ઉભા હતા. જેને લઈને હર્ષ સંઘવીએ ધારાસભ્ય ગોવિંદને કહ્યું કે કેમ પાછળ ઉભા છો હું બધાને આગળ કરૂ છું. તેમણે હળવા મૂળમાં જણાવ્યુ હતું કે, યે ગુસ્તાખી માફ નહીં હોગી કહીને તેમણે ટકોર કરી હતી. હર્ષ સંઘવીના નિવેદન બાદ ઉપસ્થિત લોકોમાં તુરત જ હાસ્યનું મોજું ફરી વળ્યું હતું.
ગૃહરાજ્યમંત્રી હર્ષ સંઘવી સાથે ચેમ્બર ઓફ કોમર્સના નેજા હેઠળ બેઠક યોજાઇ
મહત્વનું છે કે MLA ગોવિંદ પટેલ તત્કાલીન કમીશન્નર કાંડના લેટર બૉમ્બથી મહત્વની ચર્ચામાં રહ્યા છે. સર્કિટ હાઉસમાં હર્ષ સંઘવીને પોલીસ બેન્ડ સાથે ગાર્ડ ઓફ ઓનર આપવામાં આવ્યું હતું. ત્યારબાદ વેપારીઓ અને ઉદ્યોગકારોને સતાવતા પ્રશ્નોને લઈને રાજકોટ આવેલા ગૃહરાજ્યમંત્રી હર્ષ સંઘવી સાથે ચેમ્બર ઓફ કોમર્સના નેજા હેઠળ બેઠક યોજાઇ હતી. વેપારીઓ સાથે છેતરપિંડી, ઓનલાઇન ફ્રોડ સહતીના કિસ્સાઓમાં વધારો થઈ રહ્યો છે જેને અટકાવવા શુ કરી શકાય તે બાબતોની ચર્ચા વિચારણા કરવામા આવી હતી. આ તમામ સમસ્યાનું નિરાકરણ જલ્દીથી કેમ થાય તે માટે પ્રયત્ન માટે ખાતરી આપવામાં આવી હતી.